rKTs

e-texts navigator

Volume

Page

177a₁ rgyal pos bkrabs pa dang 'dris par byed de/ de 'dris par gyur nas rgyun mi 'chad par mig gis gzugs rnams la nges par sems so/ /des de ltar sems bskyed nas kun nas nyon mongs par 'gyur ro/ /kun nas nyon mongs
177a₂ pa'i sems dang ldan na gnas 'di lta bu yod de/ /nyes pa lci ba de byed pa 'am/ yang na chung ngu byed cing 'dug par 'gyur te/ yul 'khor skyong 'di ni dge slong ltar bcos pa yin no/ /yul 'khor skyong ci'i phyir dge slong ltar
177a₃ bcos pa yin zhe na/ dge slong ltar bcos pa de de bzhin gshegs pas mal cha dang stan gnang ba tha mal pa gang la dge sbyong gnas pa'i mal cha dang stan gang yin pa mi blun po des spangs na chos gos la zhen cing zang zing la zhen
177a₄ nas bud med dang 'dris par byed cing / khyim pa dang 'dris par byed na 'dris par 'gyur ba'i mi blun po de la dge sbyong gi tshul lta ga la yod de/ de'i steng du chos zab mo rnams la yang sun 'byin cing gshe bar byas las des thos su zin kyang
177a₅ bsngags pa ma yin pa brjod par byed do/ /dgon pa'i bsngags pa ma yin pa rjod par byed do/ /gang la de'i sems mngon par dga' ba'i 'dod pa rnams 'ba' zhig gi bsngags pa rjod par byed cing gang la de'i sems mngon
177a₆ par dga' ba'i bre mo'i gtam 'ba' shig gi bsngags pa rjod par byed la/ dge slong gi gnas gang yang rung ba de dag gi bsngags pa ma yin pa rjod par byed do/ /gang la las de bzhin gshegs pas mdo'i tshig khyim na gnas pa dang / rab tu
177a₇ byung ba rnams dang / 'du 'dzir mi 'byung bar bya'o zhes gsungs pa'i mdo'i tshig de bor nas dge sbyong gi tshul mi 'dod cing dge slong gi dngos po mi 'dod de/ gcig pur 'dug cing bud med la chos 'chad par byed la gzhan dag la yang de
177a₈ lta bu'i gzhi rnams su lung 'bog par byed pa'o/ /de ci'i phyir zhe na/ de dag ni de bzhin gshegs pas chos kyi chom rkun par gsungs te/ so sor thar pa spangs nas gcig pur 'dug cing bud med la chos 'chad pa'i phyir ro/ /mi blun po

_{iiif viewer powered by OpenSeadragon}

176b - 177b

Texts on this page