rKTs

e-texts navigator

Volume

Page

176b₁ pa can du bya'o/ /nye bar zhi ba'i chos kyi sbyin bdag bya'o/ /dmigs pa la mkhas par bya'o/ /dben pa'i gnas mal du gnas par bya'o/ /'thun pa yang gzhan dag la smra bar mi bya na mi 'thun pa lta ci smos/ des chos de dag la sems nye bar gnas par
176b₂ byas nas/ chos zab mo rnams la so sor btags par bya'o/ /chos zab mo rnams la brtag par bya ba de dag kyang gang zhe na/ mig mi rtag go snyam du so sor brtag par bya'o/ /de'i skye ba dang 'jig pa la yang so sor brtag par bya'o/ /de la skye
176b₃ ba dang / 'jig pa la so sor brtag pa gang yin pa de ni med pa la so sor rtog pa'o/ /de ci'i phyir zhe na/ mig ces bya ba ni med pa'i phyir ro/ /mig dang / gzugs dang mig gi rnam par shes pa ni dmigs pa ma yin gyi med pa dmigs pa
176b₄ yin no/ /de ci'i phyir zhe na/ chos thams cad dmigs pa med pa'i phyir ro/ /des rna ba'i rten bsam pa dang / migo dang / /sna dang / lce dang / lus dang / yid kyi rten bsam par mi bya'o/ /ci yang rung ba'i rten bsam par mi bya'o/ /de ltar byas na ci zhig
176b₅ bsam pa yin/ de bzhin du chos rnams stong par yang brtson par bya'o/ /de ltar brtson pa de ni tshul khrims kyi phung po yongs su dag par byed do/ /ting nge 'dzin gyi phung po dang / shes rab kyi phung po yongasu dag par byed do/ /rgyun tu zhugs pa'i
176b₆ 'bras bu 'thob par 'gyur ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur te/ de lta bu'i 'du 'dzi med pa ni dang po'i nyan thos kyi yin te/ de de dag gis zag pa zad pa thob par 'gyur
176b₇ ro/ /de la dge slong ltar bcos pa gang zhe na/ yul 'khor skyong 'di na dge slong bdag nyid la nga'o snyam du 'dzin te/ de ni tshul khrims kyi phung po yongs su ma rdzogs pa dang ldan pa yin/ chos gos gces par 'dzin pa dang / lhung zed gces par
176b₈ 'dzin pa yin/ zang zing gces par 'dzin pa yin te/ de ni mi sma ba spangs nas ngan song du 'gyur ba'i mal cha dang / stan dang / 'gron du gnyer ba chen po rnams bdag gir byed/ bud med dang 'dris par byed/ dge slong ma dang 'dris par byed/

_{iiif viewer powered by OpenSeadragon}

176a - 177a

Texts on this page