rKTs

e-texts navigator

Volume

Page

176a₁ rtag tu rgyun mi chad par mi gtsang ba'i 'du shes bskyed par bya'o/ /'di lta ste/ phyi sa dang / gcin gyi 'du shes dang / rnag gi 'du shes dang / skyugs pa'i 'du shes dang / mi gtsang ba'i 'du shes dang / rma bsku ba lta bu'i 'du shes dang / dman pa'i
176a₂ 'du shes dang / mi 'thun pa'i 'du shes dang / shu ba lta bu'i 'du shes dang / dor ba'i 'du shes dang / spang ba'i 'du shes dang / dri mi zhim pa'i 'du shes bskyed par bya ste/ des de lta bu'i tshul du bza' zhing tshod rig par bya'o/ /des chags pa med
176a₃ pa dang / sdang ba med pa dang / rmongs pa med pa dang / rtag tu dben pa la mngon par dga' bar bya ste/ bre mo gtam la dga' bar mi bya'o/ /ri dgas 'chi ba lta bur dang du blang bar bya'o/ /dben par bya'o/ /dben pa la mngon par dga' bar bya'o/ /dben pa la
176a₄ mngon par dga' zhing mos pa dang / bzod pa dang ldan par bya'o/ /des pa dang 'grogs na bde bar bya'o/ /'jig rten gyi gtam la mi rten par bya'o/ /nyo tshong spyod pa spong bar bya'o/ /sman dpyad la dga' ba dang / phrin pa la dga' ba dang / khyim gyi bya ba dang
176a₅ 'brel par mi bya'o/ /'dug pa dang / 'greng ba dang / 'chag pa dang / nyal ba la mkhas par bya'o/ /rab du dben pa dang / dgon par dga' ba dang / zhi ba'i gnas mal sgra chung ba/ skad chung ba/ 'jigs pa'i yid la byed pa med pa/ sdig sbrul
176a₆ med pa/ mi mang po med pa/ mis dben pa/ nang du yang dag 'jog dang 'tsham pa bsten par bya'o/ /bdag bstod par yang mi bya/ gzhan smad par yang mi bya'o/ /tshul 'chos pa dang kha gsag mi bya'o/ /rtag tu rgyun mi chad par skyo ba'i sems bskyed
176a₇ par bya'o/ /des khyim pa dang rab tu byung ba rnams dang 'du zhing 'dris par mi bya'o/ /stong pa'i chos rnams kun tu bsten par bya/ bsgom par bya/ mang du bya'o/ /des rig pa dang mi ldan pa'i dge slong dang lhan cig phrad pa spang bar bya'o/ /dge slong ma dang 'dris
176a₈ par mi bya'o/ /'dod pa chung bar yang bya'o/ /rtag tu bdag nyid kyi 'khrul pa rnams la so sor brtags par bya'i gzhan gyi 'khrul pa rnams la brtag par mi bya'o/ /pha ma la yang yid brtan par mi bya na rigs gzhan lta la ci smos/ shin tu yang dag par bsdam

_{iiif viewer powered by OpenSeadragon}

175b - 176b

Texts on this page