rKTs

e-texts navigator

Volume

Page

170b₁ 'jig rten mgon po 'das pa na/ /gang dag da dung ma byon dang / /phyogs rnams ma lus gang bzhugs pa'i/ /sangs rgyas rnams la skyabs su mchis/ /sangs rgyas rnams kyi yul gcig pa/ /chos dang dge 'dun zhi ba'i mchog /yon
170b₂ tan legs par bsam mi khyab/ /dge 'dun la yang skyabs su mchis/ /byang chub sems dpa' 'jigs pa med/ /gang dag bzod la rab gnas shing / /gang dag gzungs la gnas pa dang / /gang dag mtshungs med stong nyid tshul/ /mtshan nyid
170b₃ kyi ni mdo sde dang / /byang chub rgyur 'gyur sde snod dang / /'thun par 'jug pa'i mdo sde la/ /legs bslabs byang chub sems rnams ltar/ /thub pa bdag ni byang chub kyi/ /spyad pa spyod cing slob par 'tshal/ /rang byung de dag ji bzhin du/ /
170b₄ zhing gi bkod pa rnam dag dang / /spyod dang spyod yul ting 'dzin dang / /de dag gi ni yon tan dang / /drang srong mchog rnams sku tshe'i tshad/ /gsungs pa gang lags rdzogs par bgyi/ /de nas bcom ldan 'das kyis lha'i bu de dag dang / rin chen
170b₅ zla ba gzhon nur gyur pa la legs so zhes bya ba byin nas tshigs su bcad pa 'di dag bka' stsal to/ /'jig rten mgon po de rnams kyi/ /mtshan ni gang zhig 'dzin byed pa/ /ma 'ongs dus na de dag kun/ /rkang gnyis rnams kyi mchog tu 'gyur/ /
170b₆ nga yis ji skad gsungs pa bzhin/ /drang srong mchog bzhugs de dag ltar/ /de dag tshe yang bskal pa ni/ /bye ba bsam yas snyed du 'gyur/ /gang zhig skyob pa de dag gi/ mtshan 'di dag ni 'dzin 'di la/ /me dang chom rkun dug rnams dang / /
170b₇ mtshon gyis tshugs par mi 'gyur ro/ /mtshan 'di dag ni 'dzin byed na/ /chu chen dag gis de mi 'chi/ /rgyal po'i gnod pas ma yin te/ /de ni nams kyang chos mi spong / /mtshan mo thun tshod dang po dang / /gung dang tha ma'ang de bzhin te/ /dus gsum
170b₈ dag du mtshan sgrogs dang / /drang srong mchog ni de dag gi/ mtshan rnams snga dro sgrogs byed cing / /nyi ma'i gung la sgrogs byed dang / /mkhas pa nub kar sgrogs byed pa/ /rmi lam bzang po mthong bar 'gyur/ /mtshan rnams bzung nas de 'og tu/ /

_{iiif viewer powered by OpenSeadragon}

170a - 171a

Texts on this page