rKTs

e-texts navigator

Volume

Page

167b₁ dgra bcom pa yang dag par rdzogs pa'i sangs rgyas rin po che'i mchod sdong zhes bya ba da ltar bzhugs shing 'tsho la gzhes te/ byang chub sems dpas yongs su bskor cing byang chub sems dpas mdun gyis bltas pa la chos ston to zhes bya ba nas
167b₂ rnam par shes pa med par ma 'gyur ro zhes bya ba'i bar du snga ma bzhin du sbyar ro/ /rigs kyi bu 'am rigs kyi bu mo yang rung de'i mtshan thos na bla na med pa yang dag par rdzogs pa'i byang chub las phyir mi ldog par 'gyur zhing 'jig rten na rin po che
167b₃ ltar mngon par 'phags par 'gyur ro/ /gzhon nu 'di nas nub byang gi phyogs mtshams su sangs rgyas kyi zhing bye ba khrag khrig 'bum phrag grangs med pa de snyed 'das pa na 'jig rten gyi khams sgra ldan zhes bya ba zhig yod de/ lag mthil ltar mnyam
167b₄ par gyur pa zhes bya ba nas snga ma bzhin du sbyar ro/ /gzhon nu de la ji snyam du sems/ ci'i phyir 'jig rten gyi khams de sgra dang ldan zhes bya zhe na 'jig rten gyi khams de sgra 'di lta bu dag dang ldan te/ 'di lta ste/ sangs rgyas kyi sgra dang / chos kyi sgra dang /
167b₅ dge 'dun gyi sgra dang / stong pa nyid kyi sgra dang / mtshan ma med pa'i sgra dang / smon pa med pa'i sgra dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sgra dang / rnam par grol ba'i sgra dang /
167b₆ rnam par grol ba ye shes gzigs pa'i sgra rnams dang ldan no/ /gzhon nu 'jig rten gyi khams de sgra de lta bu dag dang ldan pas na de'i phyir 'jig rten gyi khams de sgra dang ldan zhes bya'o/ /de na de bzhin gshegs pa dgra bcom pa yang dag par rdzogs pa'i sangs
167b₇ rgyas me tog dpal zhes bya ba da ltar bzhugs shing 'tsho la gzhes te/ byang chub sems dpas bskor cing byang chub sems dpas mdun gyis ltas pa la chos ston to/ zhes bya ba nas rnam par shes pa med par mi 'gyur ro zhes bya ba'i bar du snga ma bzhin
167b₈ du sbyar ro/ /rigs kyi bu 'am rigs kyi bu mo yang rung / de'i mtshan thos na bla na med pa yang dag par rdzogs pa'i byang chub las phyir mi ldog par 'gyur zhing me tog ltar mi dge ba'i chos rnams kyis kyang gos par mi 'gyur ro/ /gzhon nu 'di nas byang shar

_{iiif viewer powered by OpenSeadragon}

167a - 168a

Texts on this page