rKTs

e-texts navigator

Volume

Page

167a₁ gyur pa zhes bya ba nas thams cad snga ma bzhin du sbyar ro/ /de na de bzhin gshegs pa dgra bcom pa yang dag par rdzogs pa'i sangs rgyas me tog gi dpal zhes bya ba da ltar bzhugs shing 'tsho la gzhes te/ byang chub sems dpas yongs su bskor cing
167a₂ byang chub sems dpas mdun gyis bltas pa la chos ston to zhes bya ba nas rnam par shes pa med par mi 'gyur ro/ /zhes bya ba'i bar du snga ma bzhin du sbyar ro/ /gzhon nu gzhan yang rigs kyi bu 'am/ rigs kyi bu mo yang rung de bzhin gshegs pa dgra
167a₃ bcom pa yang dag par rdzogs pa'i sangs rgyas de'i mtshan thos nas bla na med pa yang dag par rdzogs pa'i byang chub las phyir mi ldog par 'gyur zhing lha dang bcas pa'i 'jig rten gyi rgyal mtshan lta bur 'gyur ro/ /gzhon nu 'di nas shar lho'i phyogs mtshams
167a₄ su sangs rgyas kyi zhing bye ba khrag khrig 'bum phrag grangs med pa de snyed 'das pa na 'jig rten gyi khams zla ba snang ba zhes bya ba zhig yod de/ lag mthil ltar mnyam pa zhes bya ba nas snga ma bzhin du sbyar ro/ /gzhon nu de la ji snyam du sems/
167a₅ ci'i phyir 'jig rten gyi khams zla ba snang ba zhes bya zhe na/ 'jig rten gyi khams de thams cad de bzhin gshegs pa de'i 'od kyis snang bar byas pas na/ de'i phyir 'jig rten gyi khams de zla ba snang ba zhes bya'o/ /de na de bzhin gshegs pa dgra bcom pa
167a₆ yang dag par rdzogs pa'i sangs rgyas mya ngan med pa'i dpal zhes bya ba da ltar bzhugs shing 'tsho la gzhes te/ byang chub sems dpas yongs su bskor cing byang chub sems dpas mdun gyis bltas pa la chos ston to zhes bya ba nas rnam par shes pa med
167a₇ par mi 'gyur ro zhes bya ba'i bar du snga ma bzhin du sbyar ro/ /rigs kyi bu 'am rigs kyi bu mo yang rung / de'i mtshan thos na bla na med pa yang dag par rdzogs pa'i byang chub las phyir mi ldog par 'gyur ro/ gzhon nu 'di nas lho nub kyi phyogs mtshams
167a₈ su sangs rgyas kyi zhing bye ba khrag khrig 'bum phrag grangs med pa de snyed 'das pa na 'jig rten gyi khams tog dang ldan pa zhes bya ba zhig yod de/ lag mthil ltar mnyam par gyur pa zhes bya ba nas snga ma bzhin du sbyar ro/ /de na de bzhin gshegs pa

_{iiif viewer powered by OpenSeadragon}

166b - 167b

Texts on this page