rKTs

e-texts navigator

Volume

Page

166b₁ sems dpas mdun gyis bltas pa la thog mar dge ba/ bar du dge ba/ tha mar dge ba'i chos ston to/ /zhes bya ba nas rnam par shes pa med par mi 'gyur ro/ /zhes bya ba'i bar du snga ma bzhin du sbyar ro/ /gzhon nu de la ji snyam du sems/
166b₂ ci'i phyir de bzhin gshegs pa de tsan dan dpal zhes bya zhe na/ gzhon nu de bzhin gshegs pa de'i sangs rgyas kyi zhing de thams cad tsan dan gyi khang pa brtsigs pas yongasu khyab pas na de'i phyir de bzhin gshegs pa de'i mtshan tsan dan dpal
166b₃ zhes bya'o/ /gzhan yang rigs kyi bu 'am rigs kyi bu mo yang rung de bzhin gshegs pa dgra bcom pa yang dag par rdzogs pa'i sangs rgyas de'i mtshan thos na bla na med pa yang dag par rdzogs pa'i byang chub las phyir mi ldog par 'gyur ro/ /
166b₄ gzhon nu 'di nas nub phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na 'jig rten gyi khams bzang po zhes bya ba zhig yod de/ lag mthil ltar mnyam par gyur pa zhes bya ba nas snga ma
166b₅ bzhin du sbyar te/ ji ltar gong du bstan pa bzhin no/ /de na de bzhin gshegs pa dgra bcom pa yang dag par rdzogs pa'i sangs rgyas snang ba mtha' yas shes bya ba da ltar bzhugs shing 'tsho la gzhes te/ byang chub sems dpas yongasu bskor
166b₆ cing / byang chub sems dpas mdun gyis bltas pa la thog mar dge ba/ bar du dge ba/ tha mar dge ba'i chos ston to/ /'di skad ces kyang chos ston to zhes bya ba nas rnam par shes pa med par mi 'gyur ro zhes bya ba'i bar du snga ma bzhin du
166b₇ sbyar ro/ /gzhon nu gzhan yang rigs kyi bu 'am/ rigs kyi bu mo yang rung de bzhin gshegs pa dgra bcom pa yang dag par rdzogs pa'i sangs rgyas de'i mtshan thos na bla na med pa yang dag par rdzogs pa'i byang chub las phyir mi ldog par 'gyur
166b₈ zhing 'od de yang nyams su myong ngo / /gzhon nu 'di nas byang phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na 'jig rten gyi khams 'khrug med ces bya ba zhig yod de/ lag mthil ltar mnyam par

_{iiif viewer powered by OpenSeadragon}

166a - 167a

Texts on this page