| e-texts navigator |
| བོད་ཡིག |
164b1 'bum phrag du ma dang thabs gcig tu bzhugs so/ /de nas bcom ldan 'das snga dro'i dus kyi tshe/ sham thabs dang chos gos gsol te/ lhung bzed bsnams nas rgyal po'i khab kyi grong khyer chen por bsod snyoms la gshegs so/ /
164b2 de'i tshe rgyal po gzugs can snying po'i sras khye'u rin chen zla ba zhes bya ba glang po che'i lhag brgyad pa zhes bya ba rin po che sna bdun gyis brgyan cing gser gyi dra bas g.yogs pa/ dril bu g.yer kha sbyangs pa/ gser gyis spras pa'i dar gyi lda
164b3 ldi mang pos mdzes par byas pa/ bdug pas gdugs pa/ me tog sil mas gtor ba/ rgyal mtshan dang ba dan sgreng ba/ gdugs dang ra bas brgyan pa/ rin po che'i shing ljon pas mdzes par byas pa/ stig bu bdun gyis khor ra khor yug dag bskor
164b4 ba la zhon nas rgyal po'i 'byor pa chen po dang / rgyal po'i mthu chen po dang ldan pas rgyal po'i khab kyi grong khyer chen po nas byung ste/ sems can thams cad la sbyin pa dag sbyin zhing song ba las gzhon nu rin chen zla bas thag ring po zhig nas bcom ldan 'das
164b5 mdzes pa/ dad par bya ba/ dbang po dul ba/ thugs dul ba/ kha dog bzang po rgyas pa mchog dang ldan pa/ dul ba dang zhi ba'i mchog /dul ba dang zhi ba dam pa'i pha rol tu phyin pa/ gtso bo chen po/ dbang po bsrung pa/ dbang po thul ba/ mtsho ltar dang zhing gsal la rnyog
164b6 pa med pa/ skyes bu chen po'i mtshan sum bcu rtsa gnyis mnga' ba/ dpe byad bzang po brgyad bcus brgyan pa'i sku gser gyi mchod sdong ltar 'phags la dpal gyi mchog gis lam me/ lhan ne/ lhang nge ste gshegs pa mthong ngo / /mthong nas kyang / sems
164b7 dad par gyur to/ /sems dad par gyur nas glang po che'i steng nas skyen par babs te/ bcom ldan 'das ga la ba der song ste phyin nas bcom ldan 'das kyis zhabs la phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ /
164b8 bcom ldan 'das la zhe sa dang bcas/ gus pa dang bcas pas phyogs gcig tu 'dug nas rgyal po gzugs can snying po'i sras khye'u rin chen zla bas bcom ldan 'das ga la ba de logs su thal mo sbyar ba btud de bcom
iiif viewer powered by OpenSeadragon
Texts on this page
J108 - 'phags pa rin chen zla bas zhus pa zhes bya ba theg pa chen po'i mdo