rKTs

e-texts navigator

Volume

Page

15a₁ blangs so/ /de'i tshe rgyal po tshangs pas byin gyis byang chub sems dpa' mthong ba don yod 'khor lnga brgya'i mal cha dang / stan dang / gding ba dang / bgo ba dang / bza' ba thams cad kyi yo lang yang bshams so/ /byang chub sems dpa'
15a₂ chen po mthong ba don yod la yang chos kyi mchod pa ci rigs par byas so/ /de'i tshe gnas de na dge slong drug bcu gnas par gyur to/ /de dag mi brtson pa dang / thos pa nyung ba dang / kun nas mnar sems mang ba dang / gzhan mchod pa dag
15a₃ la sems sdug bsngal ba dang / byang chub sems dpa' khas che ba dang / byang chub sems dpa' dmu rgod dang / cang shes ma yin pa dang / dbang po kho ru chud pa dang / rgod pa dang / khengs pa dang / rgod bag can dang / mu cor smra ba dang /
15a₄ khwa ltar skru ba dang / 'jig rten pha rol la mi lta ba dang / las kyis mi 'jigs pa dang / bre mo'i gtam la dga' ba dang / gnyid che ba dang / chos ma yin pa 'dod pa dang / lus dang / ngag dang / yid kyi las kyi mtha' ma bsdams pa dang /
15a₅ rtsod pa mang ba dang / tshul khrims dang ldan pa la sdang ba dang / gzhan gyi shes pa la shas cher ma mos pa dang / tha na ston pa blta bar yang mngon par mi dga' na tshangs pa mtshungs par spyod pa gzhan dag la lta smos kyang ci dgos pa sha stag
15a₆ ste/ de dag byang chub sems dpa' mthong ba don yod la chos bzhin ma yin par skur pa 'debaso/ /de yang dad pa chung ngu'i bram ze dang / khyim bdag rnams kyi khyim du song nas sgrogs par byed de/ de thos nas bskal pa bye ba phrag
15a₇ brgyad bcur sems can dmyal ba chen por skye ba yongs su 'dzin par gyur to/ /de nas byang chub sems dpa' mthong ba don yod kyis sems can de dag nyid la snying brtse ba'i phyir/ rgyal po tshangs pas byin la
15a₈ ma bsnyad do/ /de'i tshe rgyal po tshangs pas byin gyi mdun na 'don pa bram ze rab tu rmugs byed ces bya ba zhig byung ste/ des de na gnas pa'i dge slong rnams byang chub sems dpa' mthong ba don yod dang bye bar byas te/

_{iiif viewer powered by OpenSeadragon}

14b - 15b

Texts on this page