| e-texts navigator |
| བོད་ཡིག |
14a1 bstan pa 'di ni bsgrub par gyis/ /kun mkhyen chos rnams ring po mi thogs 'thob/ /me tog khur bar bung ba mi chags dang / /nam mkha' la ni bya rjes med pa ltar/ /yul rnams la ni gang sems de 'dra ba/ /de 'dra de ni rgyal pos sangs rgyas
14a2 'gyur/ /zab mo'i bzod dang spobs pa thob ni 'dir/ /sangs rgyas rnams kyi mdzod 'dzin gang yin pa/ /de dag khyod kyis chos bzhin bsrung bar gyis/ /mkhas pa de 'dra srog phyir ma btang shig /mkhas pa de dag la ni gnod byed mi/ /chos
14a3 dang mi ldan brtson pa mang po rnams/ /de dag rtag tu khyod kyis chad pas chod/ /chos kyi tshul 'di myur du nyams sta re/ /gang phyir 'jig rten mgon po mi 'byung na/ /mkhas pa de dag 'jig rten ston par 'gyur/ /srogs chags phan phyir
14a4 chos sgron 'bar bar byed/ /de phyir de dag don du rtag tu sgrims/ /byang chub sems dpa' mang po bye ba stong / /snying nas sems can don ni spyod mi byed/ /de dag lhag sems med cing tshul khrims mchog /de dag lung bstan rgyal
14a5 ba gsung mi 'gyur/ /ji skad smras pa de bzhin byed pa rnams/ /de ltar de dag skye med spyod yul can/ /rgyal khyod yang dag spyod pa 'di thos kyis/ /ji skad bstan pa'i bstan 'dir gnas par gyis/ /de rgyal po tshangs pas byin gyis byang
14a6 chub sems dpa' sems dpa' chen po mthong ba don yod la 'di skad ces smras so/ /mthong ba don yod skyon 'di dag thams cad ni bdag la mchis par gda' la/ yon tan rnams ni mi gda' 'o/ /mthong ba don yod bdag ni gnod pa'i sbags pas sbags
14a7 pa'o/ /mthong ba don yod bdag ni gzu lums kyi las la lhag par zhen pa'i shas che ba dang / nor yongs su tshol ba dang / 'khor yongs su bsdu bas kun nas mnar sems kyis sems skyes pa bsal bar rngo mi thog go/ /
14a8 gzhan yang bdag ni gzhan dag la dbyug pas bsnun pa dang / mtshon gyis bsnun pas bsnun par bgyid do/ mthong ba don yod des na bdag gis byang chub
iiif viewer powered by OpenSeadragon
Texts on this page
J103 - 'phags pa tshangs pas byin gyis zhus pa zhes bya ba theg pa chen po'i mdo