rKTs

e-texts navigator

Volume

Page

148a₁ snying thag pa rus pa'i khong nas yid la bgyis te/ sems can thams cad kyis bsam nas dus gsum du gsol ba 'debs shing brjod pa gang lags pa de tsam yang bcom ldan 'das yang dag par rdzogs pa'i byang chub kyi tshogs
148a₂ 'phel bar 'gyur zhing yang dag par rab tu 'phel bar 'gyur/ sogs par 'gyur/ grangs ma mchis par bgyid/ byang chub sems dpa'i bsam pa yang sogs shing sgom pa dang / yongs su rdzogs par 'gyur zhing sra ba dang / brtan
148a₃ pa dang rdo rje lta bur 'gyur na gong du rtsol zhing brtson pa mi gtong ba lta ci smos lags/ bcom ldan 'das bdag kyang snying thag pa rus pa'i khong nas yid la bgyid de/ sems can thams cad kyis bsam nas sems can thams cad
148a₄ bsgral ba dang / dgrol bar bgyi ba dang / dbugs dbyung ba dang / yongs su mya ngan las bzla ba dang / sangs rgyas kyi chos thams cad yongs su rdzogs par bgyi ba dang / thams cad mkhyen pa nyid thob par bgyi ba'i slad du
148a₅ yang dag par rdzogs pa'i byang chub tu smon lam 'debs te/ sems can ma rgal ba rnams sgrol ba/ ma grol ba rnams 'grol ba/ dbugs ma phyin pa rnams dbugs 'byin pa/ yongasu mya ngan las ma 'das pa rnams yongasu
148a₆ mya ngan las zlo ba'i sangs rgyas su gyur cig / yang dang yang du lan brgyar brnan te/ mtha' yas pa mtha' yas par bla na med pa yang dag par rdzogs pa'i byang chub tu smon lam 'debs lags so/ /de nas tshong dpon gyi bu
148a₇ dpal dbyigs gis kyang de'i rjes thogs su de bzhin du bla na med pa yang dag par rdzogs pa'i byang chub tu smon lam btab bo/ /bcom ldan 'das kyis de skad ces bka' stsal nas/ tshong dpon gyi bu dpal dbyig dang / da ra da'i
148a₈ rgyal po'i bu dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par

_{iiif viewer powered by OpenSeadragon}

147b - 148b

Texts on this page