rKTs

e-texts navigator

Volume

Page

145a₁ 'bad de btsal na ci'i slad du/ de mi thob/ mi rtogs kyis de'i slad du thugs brtse bar dgongs te las dang po pa'i byang chub sems dpas ji ltar bgyi ba dang / ji ltar gnas par bgyi ba dang / ji ltar bsgrub par bgyi ba bcom ldan
145a₂ 'das kyis bdag la de ltar legs par bstan du gsol/ de skad ces gsol pa dang / bcom ldan 'das kyis tshong dpon gyi bu dpal dbyig la 'di skad ces bka' stsal to/ /tshong dpon gyi bu legs so legs so/ /khyod kyis rtog pa mdzes so/ /spobs
145a₃ pa dga'o/ /tshong dpon gyi bu de'i phyir legs par/ rab tu nyon la yid la zung shig dang / las dang po pa'i byang chub sems dpas ji ltar bya ba dang / ji ltar gnas par bya ba dang / ji ltar bsgrub par bya ba ngas khyod la bshad do/ /bcom ldan 'das legs so
145a₄ zhes gsol te tshong dpon gyi bu dpal gyi dbyig bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /tshong dpon gyi bu las dang po pa'i byang chub sems dpas ni nyin cig bzhin du snying thag pa rus pa'i khong nas yid
145a₅ la byas te/ sems can thams cad kyis bsam nas dus gsum du dkon mchog gsum la mchod pa dang rim gro bya ba mi gtang bar bya'o/ /tshong dpon gyi bu gzhan yang las dang po pa'i byang chub sems dpas ni snying thag pa rus pa'i khong nas yid la byas
145a₆ te/ sems can thams cad kyis bsam nas dus gsum du dkon mchog gsum la skyabs su 'gro ba'i yi dam mi gtang bar bya'o/ /tshong dpon gyi bu gzhan yang las dang po pa'i byang chub sems dpas ni snying thag pa rus pa'i khong nas yid la byas te/
145a₇ sems can thams cad kyis bsam nas 'jig rten gyi khams thams cad du dkon mchog gsum gyis mi stong bar dus gsum du gsol bar gdab pa mi gtang bar bya'o/ /'jig rten gyi khams thams cad du dkon mchog gsum bskal pa du mar
145a₈ gnas par dus gsum du gsol ba gdab par mi gtang bar bya'o/ /'jig rten gyi khams thams cad du sems can thams cad la bskal pa du mar chos bstan par dus gsum du gsol ba gdab par mi gtang bar bya'o/ /'jig rten gyi khams

_{iiif viewer powered by OpenSeadragon}

144b - 145b

Texts on this page