rKTs

e-texts navigator

Volume

Page

13b₁ rgya mtsho chen po bzhin du 'bab pa med/ /de 'dra de dag byang chub mchog gi snod/ /chos 'dod pa ni nang dang phyi rol gyi/ /dngos po kun la sdug 'dzin ci yang med/ /shes pa rnams la phangs shing byas pas smad/ /'dis
13b₂ ni chos 'dod gang yin shes par bya/ /de'i phyir na rgyal po chos 'dod pa/ /'di thos nas ni bsgrub pa dag pa yis/ /smras pa tsam dang thos la gnas ma byed/ /bsam pa la ni shes rab med/ /zab mo bzod la mos pa gang yin de/ /
13b₃ sdug dang mi sdug rnams la chags pa med/ /de dag rlung ltar chags pa med pa yang / bskal pa brgya grangs mtha' yas spyod par 'gyur/ /rgyal po gal te byang chub khyod 'dod na/ /lhag pa'i bsam pas bsam pa sbyang bar gyis/ /bdag dang
13b₄ bdag gi snyam pa'i nga rgyal gyis/ /gnas 'dir phyin ci log du gnas ma byed/ /khyod kyis nyes pa rtag tu bshags par gyis/ /khyod ni 'thun pa'i sdom la gnas par gyis/ /dbang phyug dang ni gnyen la mi rtag soms/ /rten pa med pa 'di
13b₅ ni yang dag stong / /stong pa'i chos rnams mang po ji snyed smra/ /stong nyid ji bzhin de la gnas pa min/ /chos nyid las ni gang gi 'gal byas pa/ /de ni zab mo'i tshul la bzod pa min/ /de phyir stong pa 'di ni kun tu 'gal/ /stong nyid
13b₆ ji bzhin de ni gang gis shes/ /de ni ngang pa'i rgyal pos rdzab spangs bzhin/ /khams las nges byung byang chub mchog la reg /de bzhin gshegs la gus par byas nas kyang / /rgyal po khyod kyis bstan pa brtag par gyis/ /rgyal po lus ni rab
13b₇ tu 'jig pa'i phyir/ /byang chub theg pa la ni yi ma chud/ /ston pa'i bstan bcos spyod yul cho ga shes/ /mkhas pa de dag la ni rtag tu bsrung / /smra ba tsam gyi dbang du ma 'gro shig /nad pa rgyun ring por ni gyur ta re/ /gang gis bstan pa 'di ni
13b₈ legs brtag pa/ /de ni don du bsrung ba'i rgyud la sgrims/ /las dang nyon mongs sna tshogs spangs nas de/ /khyad par du ni byang chub mchog tu 'gyur/ /pha rol phyin drug 'di la legs par slobs/ /de la bslob na byung chub thob par 'gyur/ /ji snyed

_{iiif viewer powered by OpenSeadragon}

13a - 14a

Texts on this page