rKTs

e-texts navigator

Volume

Page

11b₁ mi 'dzin pa dang / dge slong rab 'bring tha ma rnams la 'khrul pa mi tshol ba dang / stong pa nyid la mos pa dang / lus kyi las yongs su dag pa dang / ngag gi las yongs su dag pa dang / yid kyi las yongs su dag pa ste bcu po de dag yin no/ /rgyal
11b₂ po chen po chos dang po 'di dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro/ /rgyal po chen po gzhan yang rgyal rigs spyi bo nas dbang bskur ba'i rgyal po ni chos 'dod pa yin te/ rgyun mi chad
11b₃ par 'phags pa rnams mthong bar 'dod pa dang / thos pa tshol ba la chog mi shes so/ /de'i mang du thos pa de yang sems kyis shin tu brtags pa dang / mthong bas shin tu rtogs pa yin no/ /rgyal po chen po yan lag bcu dang ldan
11b₄ na chos dang ldan pa'i rgyal por rig par bya ste/ bcu gang zhe na/ 'di lta ste/ chos 'dod pas lus la mi lta zhing srog la mi lta ba dang / 'khor ba la skyo ba'i yid dang ldan pa dang / khyim na gnas pa la skyon mang bar sems
11b₅ pa dang / dngos po thams cad la mi lta ba'i yid dang ldan pa dang / sngon mngon par 'dus byas pa'i las kyi nang nas sdig pa'i las la smod cing ma 'ongs pa mngon par 'du mi byed pa dang / sdug pa dang mi sdug pa rnams la nges
11b₆ par sems pa'i yid dang ldan pa dang / bsam pa thag pa nas sgrub pas byang chub sems dpa' spyod pa rdzogs par byed de/ tshig lhur len par mi byed pa dang / ye shes yongs su tshol bas dam bcas pa la brtan pa dang /
11b₇ rang gi g.yog 'khor byang chub yang dag par 'dzin du 'jug cing / rgyun mi chad par de dag chos kyi sbyin pas yongs su smin par byed la/ de dag gi zang zing yang sdud par byed pa ste/ bcu po de dag yin no/ /rgyal po
11b₈ chen po chos gnyis po 'di dang ldan pa'i rgyal rigs spyi bo nas dbang bskur ba'i rgyal po ni/ ji skad smos pa'i yon tan de dag thob par 'gyur ro/ /rgyal po chen po

_{iiif viewer powered by OpenSeadragon}

11a - 12a

Texts on this page