rKTs

e-texts navigator

Volume

Page

105b₁ kyi spyan rab tu thob pas sangs rgyas mthong ba'i gter dang / lha'i rna ba rab tu thob pas chos nyan pa'i gter dang / phyir mi ldog pa'i dge 'dun rab tu thob pas dge 'dun mthong ba'i gter dang / rin po che'i lag pa rab tu thob pas zad
105b₂ mi shes pa'i longs spyod kyi gter dang / mtshan dang dpe byad bzang po yongasu rdzogs pas gzugs kyi gter dang / g.yog mi phyed pas g.yog gi gter dang / gzungs rab tu thob pas thos pa'i gter dang / spobs pa rab tu thob pas dran pa'i
105b₃ gter dang / pha rol gyi rgol ba tshar gcod pas mi 'jigs pa'i gter dang / sems can thams cad nye bar 'tsho bas bsod nams kyis ter ro/ /yang bcom ldan 'das kyis chos kyi rnam grangs 'di bstan pa na byang chub sems dpa' sa ya khrag khrig
105b₄ phrag bdun bcu rtsa gnyis kyis mi skye ba'i chos la bzod pa rab tu thob par gyur to/ /sems can dpag tu med pa byang chub la rab tu zhugs so/ /sems can tshad med pa yang len pa med par rnam par grol lo/ /de nas bcom ldan 'das la
105b₅ tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci/ 'di ci ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di'i
105b₆ ming chos thams cad yang dag par 'du ba zhes bya bar yang zung shig / sangs rgyas kyi rgyan bkod pa zhes bya bar yang zung shig /tshangs pa khyad par sems kyis kun dris pa zhes bya bar yang zung shig /'jam dpal gyis bstan pa zhes bya bar
105b₇ yang zung shig / bcom ldan 'das kyis de skad ces bka'i stsal nas/ 'jam dpal gzhon nur gyur pa dang / tshangs pa khyad par sems dang / bram ze shing sa la chen po lta bu'i bu mnyam par gnas pa dang / byang chub sems dpa' dra ba can gyi
105b₈ 'od dang / gnas brtan 'od srung chen po dang / tshe dang ldan pa kun dga' bo dang / phyogs bcu nas 'dus pa'i byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten

_{iiif viewer powered by OpenSeadragon}

105a - 106a

Texts on this page