| e-texts navigator |
| བོད་ཡིག |
105a1 bar bya ba'i phyir chos kyi rnam grangs 'di de bzhin gshegs pas byin gyis brlabs so/ /'jam dpal chos kyi rnam grangs 'di yun ji srid du 'dzam bu gling 'dir spyod par 'gyur ba yun de srid du dam pa'i chos nub par mi 'gyur ro/ /
105a2 de nas 'khor de dag thams cad dga' mgu rangs yid bde bar gyur nas spos thams cad dang / phreng ba thams cad dang / byug pa thams cad dang / me tog thams cad dang / phye ma thams cad kyis de bzhin gshegs pa la mngon par
105a3 gtor nas tshig kyang 'di skad du/ e ma'o chos kyi rnam grangs 'di 'dzam bu'i gling na yun ring du gnas pa dang rgyas par gyur cig ces 'dzer to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga'
105a4 bo khyod kyis chos kyi rnam grangs 'di gzung ngam/ gsol pa/ bcom ldan 'das bdag gis gzung ngo / /bcom ldan 'das kyis bka' stsal pa/ kun dga' bo de lta bas na chos kyi rnam grangs 'di gzung ba dang / bcang ba dang /
105a5 baglag pa dang / yang dag par rab tu bstan pa'i phyir khyod la yongasu gtad do/ /gsol pa/ bcom ldan 'das gang chos kyi rnam grangs 'di 'dzin tam/ 'chang ngam/ klog gam/ gzhan dag la ston tam/ yi ger bris pa la
105a6 mchod pa bgyid na de bsod nams ji tsam zhig bskyed par 'gyur/ bcom ldan 'das kyis bka' stsal pa/ yi ge dang nges pa'i tshig ji snyed kyis chos kyi rnam grangs 'di bstan pa de snyed kyi de bzhin gshegs pa dge
105a7 slong gi dge 'dun dang bcas pa la bde ba'i yo byad thams cad kyis bsnyen bkur byas pa bas/ gang gis chos kyi rnam grangs 'di 'dzin pa dang / bzung nas kyang gzhan la ston pa dang / klog pa de ni de bas ches bsod nams
105a8 mang du bskyed do/ /kun dga' bo gang gis dam pa'i chos yun ring du gnas par bya ba'i phyir chos kyi rnam grangs 'di glegs bam du bris te/ mchod na des tshe 'di nyid la gter 'thob pa bcu 'thob bo/ /bcu gang zhe na/ sangs rgyas
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo