| e-texts navigator |
| བོད་ཡིག |
104b1 de nas tshangs pa mi 'jed kyi bdag pos bcom ldan 'das la tshigasu bcad pa 'di skad ces gsol to/ /dge slong dang ni dge slong ma/ /dge bsnyen dang ni dge bsnyen ma/ /gang rnams mdo sde 'di 'dzin pa/ /skye bo kun gyi mchod rten de/ /
104b2 gal te mdo sde 'di la ni/ /sems can gcig 'ga' btsud na yang / /'gro ba'i mgon po bdag spro'o/ /chos smra ba ni de dag la/ /khri stan gang la de mchis te/ /mdo sde 'di ni rab ston par/ /tshangs pa'i 'jig rten man chad du/ /
104b3 me tog dgram par bdag spro'o/ /gang gi lag nas mdo sde 'di/ /phyi ma'i dus na thos par 'gyur/ /de la a la la zhes ni/ /legs smras legs zhes brjod par bgyi/ /gang na mdo sde 'di mchis par/ /me yi phung pos
104b4 gang ba yi/ /bye ba snyed kyis zhing rgal nas/ /skyo mi 'tshal bar mchi bar bgyi/ /rin chen phung po ri rab tsam/ /dga' bzhin du ni phul nas kyang / /sangs rgyas kyi yang lam sbyong ba/ /mdo sde 'di ni mnyan par bgyi/ /de nas bcom
104b5 ldan 'das kyis de'i tshe rdzu 'phrul mngon par 'du bya ba 'di lta bu mdzad de/ rdzu 'phrul mngon par 'du bya ba ji lta bur mngon par 'dus byas pas bdud sdig to can dpung gi stobs bzhi dang / bcom ldan 'das ga la ba der dong ste lhags pa
104b6 dang / bcom ldan 'das kyi zhabs la mgo bos phyag 'tshal nas 'di skad ces gsol to/ /bcom ldan 'das bdag cag dpung dang bcas/ g.yog dang bcas pa 'di dag de bzhin gshegs pa'i spyan sngar dam bcas te/ gang na chos
104b7 kyi rnam grangs 'di rab tu spyod par 'gyur ba'i ljongs kyi phyogs der chos nyan pa dang / chos smra ba dag la bdud kyi las mi bgyid pa'i steng du bsrung ba dang / bskyab pa dang / sba bar yang bgyi'o/ /de nas bcom ldan 'das kyis 'od gser gyi
104b8 kha dog lta bus sangs rgyas kyi zhing 'di khyab par mdzad de 'jam dpal gzhon nur gyur pa la 'di skad ces bka' stsal to/ /'jam dpal 'di lta ste/ skyes bu dam pa dam pa'i chos yongasu 'dzin pa de dag gi dam pa'i chos yongs su gzung
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo