| e-texts navigator |
| བོད་ཡིག |
104a1 gshegs pa la phul nas tshigs su bcod pa 'di dag gsol to/ /thub pa bdag 'dir mngon gsum ste/ /ji ltar khyod kyis sngon spyad pa/ /de bzhin bdag kyang sangs rgyas kyi/ /ye shes tshol bas bsgrub par bgyi/ /khyod kyis
104a2 sngon chad ma stsal cing / /yongasu ma btang ci ma mchis/ /bdog pa thams cad gtong ba yi/ /bdag kyang rjesu bslab par bgyi/ /khyod kyi mdo sde 'di yang ni/ /'jig rten mgon las mngon du blangs/ /yang dang yang du bshad par bgyi/ /
104a3 bdag po khyod la bgyis par gzo/ /mdo sde 'di la su dga' ba/ /de dag bdag gi ston pa 'dra/ /bdag ni sangs rgyas chos 'tshal bas/ /de la rtag tu rim gro bgyid/ /dam pa'i chos rnams yongasu bsrung / /mgon po nyan thos mi
104a4 nus te/ /phyi dus 'jig pa chen po'i tshe/ /bdag gis yongasu bsrung bar bgyi/ /mgon po bdag kyang dbugs dbyung gsol/ /lha rnams the rtsom gcad du gsol/ /thub pa khyu mchog khyod 'dra bar/ /ji srid yun gyis 'grub par 'gyur/
104a5 kun mkhyen ye shes mkhas pa yi/ /bde bar gshegs pas de lung bstan/ /nga ni ci 'dra de 'dra bar/ /khyod kyang rdzogs pa'i sangs rgyas 'gyur/ /bskal pa bye ba phrag stong dang / /bskal pa bye ba brgya yi tshe/ /'jig rten du ni
104a6 sangs rgyas 'gyur/ /ming ni ye shes 'byung zhes bya/ /byang chub zhi ba thob nas kyang / /bdud rnams rab tu btul nas ni/ /sems can bye ba brgya stong rnams/ /byang chub la yang 'god par 'gyur/ /de nas mi 'jed kyi bdag po tshangs pas
104a7 bcom ldan 'das la 'di skad ces gsol to/ /bcom ldan 'das bdag bsam gtan la gnas pa yang btang ste/ rigs kyi bu 'am rigs kyi bu mo gang chos kyi rnam grangs 'di yang dag par ston pa de la chos nyan du mchi'o/ /de ci'i slad du zhe na/
104a8 brgya byin dang tshangs pa ni 'di las skyes te/ bcom ldan 'das bdag rigs kyi bu'am rigs kyi bu mo de dag la bsnyen bkur dang rim gro bgyi bar spro'o/ /de dag ni lha dang bcas pa'i 'jig rten gyis rim gro bgyi ba dang mchod par 'os pa lags so/ /
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo