rKTs

e-texts navigator

Volume

Page

99a₁ shes so/ /thabs dag pa ni gang sems can thams cad la so so ci rigs par chos ston pa la mkhas pa'o/ /blo gros rgya mtsho gzhan yang dge ba'i rtsa ba dag pa ni gang srid par 'gro ba'i skye ba
99a₂ thams cad la mi gnas par dge ba'i rtsa ba de dag thams cad sogs pa'o/ /yongs su bsngo ba dag pa ni gang theg pa thams cad la yang dag par gzhol bas nyan thos dang rang sangs rgyas thams cad kyi yid la
99a₃ byed pa dang bral bar dge ba'i rtsa ba de dag theg pa chen por yongs su bsngo ba'o/ /shes rab dag pa ni gang bag chags kyi mtshams sbyor bar gyur pa'i nyon mongs pa thams cad yang dag par 'jom pa'o/ /thabs
99a₄ dag pa ni sems can gang dag yongs su smin par byed pa de dag don 'thun pas theg pa chen po yang dag par 'dzin du 'jug pa'o/ /gzhan yang dge ba'i rtsa ba dag pa ni 'di lta ste/ longs spyod mi zad pa dang lag na rin
99a₅ po che'o/ /yongs su bsngo ba dag pa ni gang sems can thams cad dang / slob pa dang / mi slob pa dang / rang sangs rgyas thams cad dang / byang chub sems dpa' thams cad dang / sangs rgyas thams cad kyi
99a₆ dge ba'i rtsa ba rnams yongs su bsngo ba des yongs su 'dzin cing yang dag par 'jug pa'o/ /shes rab dag pa ni gang gzungs kyi phyag rgyas btab nas sangs rgyas thams cad kyis gsungs pa kun du 'dzin cing chud mi
99a₇ za bar byed pa'o/ /thabs dag pa ni gang spobs pa rgyun mi 'chad pa dang / spobs pa chags pa med pa dang / chos bstan pa don yod pas legs par bshad pas sems can thams cad yang dag par tshim par byed
99a₈ pa'o/ /blo gros rgya mtsho gzhan yang dge ba'i rtsa ba dag pa ni gang tshe rabs tshe rabs dag tu byang chub kyi sems mi brjed pa'o/ /yongs su bsngo ba dag pa ni gang byang chub kyi sems ma brjed par dge ba'i rtsa ba byed

_{iiif viewer powered by OpenSeadragon}

98b - 99b

Texts on this page