| e-texts navigator |
| བོད་ཡིག |
98a1 zin pas rang gi nyon mongs pa rnams kyis kyang gnod pa med cing nyon mongs pa'i bcings ba thams cad spang ba'i phyir sems can rnams la chos kyang ston to/ /byang chub sems dpa' blo gros rgya
98a2 mtshos gsol pa/ bcom ldan 'das byang chub sems dpa' sems dri ma ma mchis shing dri ma dang bral te/ de dag kyang 'khor ba la mi smod cing chos zab mo la ji lta ba bzhin du rtogs pas kyang 'dus ma byas su
98a3 mi ltung zhing 'bras bu yang thob par mi bgyid pa ni bgyi dka' ba bgyid pa'o/ /bcom ldan 'das kyis bka' stsal pa/ blo gros rgya mtsho 'di ni byang chub sems dpa' rnams kyi yan lag gnyis dang rab tu
98a4 ldan pa'i lam ste/ 'di ltar shes rab kyi pha rol du phyin pa dang thabs la mkhas pa'o/ /blo gros rgya mtsho gang gi tshe byang chub sems dpa' sems dri ma med cing dri ma dang bral te dag par gyur pa 'di ni de'i
98a5 shes rab kyi pha rol du phyin pa'o/ /blo gros rgya mtsho gang gi tshe byang chub sems dpa' 'khor ba la mi smod cing sems can yongs su smin par bya ba'i phyir skye bar yang 'dzin pa 'di ni de'i thabs la mkhas
98a6 pa'o/ /blo gros rgya mtsho gzhan yang gang gi tshe byang chub sems dpa' 'du byed thams cad la stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa
98a7 dang ma byung bar so sor rtog pa 'di ni de'i shes rab kyi pha rol du phyin pa'o/ /gang gi tshe snying rjen chen po sngon du btang ba'i sems kyis 'dus ma byas su mi ltung zhing 'bras bu thob par yang mi byed pa 'di ni de'i
98a8 thabs la mkhas pa'o/ /blo gros rgya mtsho gzhan yang gang gi tshe byang chub sems dpa' dus gsum mnyam pa nyid kyi phyir tha dad du bya ba'i chos gang yang mi mthong ste/ chos kyi dbyings kyi mnyam pa nyid gang
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo