| e-texts navigator |
| བོད་ཡིག |
95b1 rnams kyis 'khrugs par mi 'gyur te/ thabs mkhas pa des bgyi ba thams cad kyang ston la bgyi bar ltung bar yang mi 'gyur/ chos mnyam pa nyid la yang gnas la sems can log pa nyid du mchis pa rnams la yang dag
95b2 pa nyid kyi nges par gyur pa'i slad du chos kyang ston cing bsam pa yongs su ma rdzogs kyi bar du bdag nges par gyur pa der yang mi ltung ngo / /de skad ces gsol pa dang / bcom ldan 'das kyis byang chub sems dpa' blo
95b3 gros rgya mtsho la 'di skad ces bka' stsal to/ /blo gros rgya mtsho de de bzhin no/ /ji skad du smras pa bzhin te/ byang chub sems dpas thams cad du thabs la mkhas pa 'dod par bya'o/ /de ci'i phyir zhe na/ blo gros rgya
95b4 mtsho thabs la mkhas pa'i byang chub sems dpa' la byang chub yod kyi thabs la mi mkhas pa la ni byang chub med do/ /blo gros rgya mtsho 'di lta ste/ dper na/ snod gcig gi nang du tshon sna gsum ste/ sna gcig ni kha dog sngon
95b5 po/ sna gcig ni kha dog dmar po/ sna gcig ni gser gyi kha dog lta bu ser po blugs la tshon gyi snod gcig pu der ras kha bsgyur ba gsum ste/ gcig ni ras shog po yug ser por kha bsgyur ba/ gcig ni ras phran yug
95b6 dmar por kha bsgyur ba/ gcig ni ras bcos bu rin thang med pa ser po gser gyi kha dog lta bur kha bsgyur ba zung gcig bcug la/ de dag snod gcig gi nang du bcug ste bstsubs na ji ltar kha bsgyur ba'i bye brag bzhin du
95b7 tshon 'dzin te/ gang tshon sngon pos kha bsgyur ba de ni kha dog sngon por 'gyur/ gang tshon dmar pos kha bsgyur ba de ni kha dog dmar por 'gyur/ gang tshon ser po gser lta bus kha bsgyur ba de ni kha dog ser po gser lta bur 'gyur
95b8 yang snod de la ni rnam par rtog par 'gyur ba gang yang med do/ /blo gros rgya mtsho de bzhin du stong pa nyid dang mtshan ma med pa dang smon pa med pa'i snod gcig la gang zag gsum ste/ gcig ni nyan thos kyi theg pa pa/ gcig ni
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo