| e-texts navigator |
| བོད་ཡིག |
92b1 'phags pa blo gros rgya mtshos zhus pa/ bam po brgyad pa/ de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das ji tsam du slar mi ldog
92b2 pa'i byang chub sems dpa' chos zab mo 'tshal ba dang ldan pa ni ngo mtshar to/ /bcom ldan 'das chos 'tshal ba 'di lta bu dang ldan pa'i byang chub sems dpa'i yongs su bsngo ba la mkhas pa ci 'dra lags/ de skad
92b3 ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho sa 'di la gnas pa'i byang chub sems dpa' rnams sngon gyi shugs kyis
92b4 bya ba byed de/ de dag gang gi tshe mnyam par ma bzhag par gnas pa de'i tshe na yang sngon 'phangs pa'i yongs su bsngo ba 'di brgya lam na yang chud za bar mi 'gyur ro/ /blo gros rgya mtsho de'i phyir skyes bu mkhas
92b5 pa kha cig dpe bstan pas bshad pa'i don shes par 'gyur bas khyod la dpe bya'o/ /blo gros rgya mtsho 'di lta ste dper na/ gang gi tshe bu ram shing gi zhing ngam/ 'bras sA lu'i zhing ngam/ rgun 'brum gyi
92b6 zhing rnang sgal byas par gyur pa de la mi zhig gis rnang thams cad la yur ba ci rigs par btod nas/ rka nas chu phab ste yal bar bor nas nyal ba dang / de nas mi de nyal yang yur ba ji lta btod pa bzhin du chu
92b7 'bab ste/ de la mi de brtson par bya mi dgos shing bsgrim mi dgos par rnang thams cad chus gang bar 'gyur ro/ /blo gros rgya mtsho de bzhin du byang chub sems dpa' mnyam par ma bzhag kyang dge ba'i rtsa
92b8 ba de dag sems can thams cad kyi rgyud rnams la yongs su sngo bar byed de thabs kyis dngos po ji lta ba bzhin du dge ba'i rtsa ba de dag sangs rgyas kyi chos thams cad kyi phyir yongs su sngo'o/ /de bsam pa shin
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo