rKTs

e-texts navigator

Volume

Page

92a₁ bstan pa'i bstan pa la yang lung bstan pa'i bstan par 'du shes pa yang med par gyur to/ /blo gros rgya mtsho 'di ni byang chub sems dpa'i 'khor gsum yongs su dag pa'i lung bstan pa ste/ gang
92a₂ la sangs rgyas su 'du shes pa yang med pa dang bdag tu 'du shes pa med pa dang lung bstan pa'i bstan par 'du shes pa med pa 'di ni 'khor gsum yongs su dag pa zhes bya'o/ /blo gros rgya mtsho gzhan yang 'khor
92a₃ gsum yongs su dag pa gang zhe na/ gang la bdag tu 'dzin pa med pa dang / sems can du 'dzin pa med pa dang / chos su 'dzin pa med pa'o/ /gzhan yang 'khor gsum yongs su dag pa ni gang la ming du 'dzin
92a₄ pa med pa dang / gzugs su 'dzin pa med pa dang / dmigs par 'dzin pa med pa'o/ /gzhan yang 'khor gsum yongs su dag pa ni 'das pa la zad par shes pa dang / ma 'ongs pa la ma phyin par shes pa
92a₅ dang / da ltar byung ba la gnas pa med par shes pa'o/ /gzhan yang 'khor gsum yongs su dag pa ni lus la gzugs brnyan lta bur shes pa dang / ngag la brag cha lta bur shes pa dang / sems la sgyu ma lta
92a₆ bur shes pa'o/ /gzhan yang 'khor gsum yongs su dag pa ni/ phung po rnams la chos kyi phung po dang mnyam pa nyid dang / khams rnams la chos kyi dbyings dang mnyam pa nyid dang / skye mched rnams la grong
92a₇ stong lta bur sor sor rtog pa'o/ /gzhan yang 'khor gsum yongs su dag pa ni stong pa nyid la mos pa dang / mtshan ma med pa la yid ches pa dang / smon pa med pa la som nyi med pa ste/ blo gros rgya mtsho 'khor
92a₈ gsum yongs su dag pa 'di ni chos thams cad yongs su dag par 'gyur ba'o/ /blo gros rgya mtsho de lta bas na byang chub sems dpas 'khor gsum yongs su dag pa'i ye shes la mkhas par bya'o// //

_{iiif viewer powered by OpenSeadragon}

91b - 92b

Texts on this page