| e-texts navigator |
| བོད་ཡིག |
90b1 thams cad spong ba dang dge ba'i chos thams cad byung ba'o/ /de nas byang chub sems dpa' sems dpa' chen po shes rab brtsegs shes bya ba 'khor de nyid du 'dus par gyur te 'dug pa des bcom ldan 'das la
90b2 'di skad ces gsol to/ /bcom ldan 'das kyis gsung ba'i don ji ltar bdag gis 'tshal ba ltar na bdag 'di snyam bgyid de/ bcom ldan 'das 'di ltar sangs rgyas byung ba ni 'jigs tshogs la lta ba byung ba'o/ /
90b3 bcom ldan 'das sangs rgyas byung ba ni ma rig pa dang srid pa dang sred pa byung ba'o/ /bcom ldan 'das sangs rgyas byung ba ni 'dod chags dang zhe sdang dang gti mug byung ba'o/ /bcom ldan 'das sangs rgyas byung ba ni
90b4 phyin ci log bzhi byung ba'o/ /bcom ldan 'das sangs rgyas byung ba ni sgrib pa lnga byung ba'o/ /bcom ldan 'das sangs rgyas byung ba ni skye mched drug byung ba'o/ /bcom ldan 'das sangs rgyas byung ba ni rnam par shes
90b5 pa'i gnas bdun byung ba'o/ /log pa nyid brgyad byung ba'o/ /gnod pa'i dngos po dgu byung ba'o/ /bcom ldan 'das sangs rgyas byung ba ni mi dge ba bcu'i las kyi lam byung ba'o/ /de ci'i slad du zhe na/ bcom
90b6 ldan 'das sdig pa mi dge ba'i chos de dag spang ba'i slad du sangs rgyas byung ba lags kyi bcom ldan 'das sangs rgyas byung ba gnyen pos rab tu phye ba ni ma lags te/ bcom ldan 'das sangs rgyas byung ba ni gnyen po
90b7 ma mchis pa gnyen po dang bral ba'o/ /bcom ldan 'das sangs rgyas byung ba ni rjes su mchi bar 'tshal ba'i byang chub sems dpa' rjes su 'gro ba ma mchis pa'i tshul gyis de ltar sangs rgyas byung ba'i rjes su mchi
90b8 bar bgyi'o/ /bcom ldan 'das kyis bka' stsal pa/ rigs kyi bu de de bzhin no/ /ji skad smras pa bzhin te/ rjes su 'gro ba med pa'i tshul gyis sangs rgyas byung ba'i rjes su 'gro bar bya ste/ sangs rgyas
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo