| e-texts navigator |
| བོད་ཡིག |
90a1 ri rgyal kha yi dbugs kyis gtor du rung / /rgyal ba'i gsung ni log par gsung mi mnga'/ /yang dag kho na gsung can yongs su dag /thugs dag nam mkha' 'dra ba'i thugs mnga' ba/ /'jig
90a2 rten chos dang rnyed dang sred pa bsal/ /pad ma lta bur srid gsum chags mi mnga'/ /bsngags pa'i phreng ba gsan kyang dgyes mi 'gyur/ /smad pa gsan kyang zhe sdang yong mi mnga'/ /ri rab lta bur yongs su
90a3 rtog las grol/ /'gro la bde stsal khyod la phyag 'tshal lo/ /de nas byang chub sems dpa' sems dpa' chen po de dag gis bcom ldan 'das la tshigs su bcad pa de dag gis mngon par bstod nas/ bcom
90a4 ldan 'das la 'di skad ces gsol to/ /bcom ldan 'das sangs rgyas byung ba ni rin po che byung ba'o/ /bcom ldan 'das byung ba ni bden pa byung ba'o/ /dran pa byung ba'o/ /blo gros byung ba'o/ /rtogs pa byung ba'o/
90a5 ngo tsha shes pa byung ba'o/ /mos pa byung ba'o/ /sbyin pa byung ba'o/ /tshul khrims byung ba'o/ /bzod pa byung ba'o/ /brtson 'grus byung ba'o/ /bsam gtan byung ba'o/ /shes rab byung ba'o/ /bcom ldan 'das sangs
90a6 rgyas byung ba ni byams pa byung ba'o/ /snying rje byung ba'o/ /dga' ba byung ba'o/ /btang snyoms byung ba'o/ /don byung ba'o/ /bde ba byung ba'o/ /chos byung ba'o/ /bcom ldan 'das sangs rgyas byung ba ni yang dag par
90a7 dga' bar 'gyur ba'i chos byung ba'o/ /dran pa nye bar gzhag pa byung ba'o/ /yang dag par spong ba byung ba'o/ /rdzu 'phrul gyi rkang pa byung ba'o/ /dbang po byung ba'o/ /stobs byung ba'o/ /byang chub kyi yan lag byung
90a8 ba'o/ /lam byung ba'o/ /zhi gnas byung ba'o/ /lhag mthong byung ba'o/ /mngon par shes pa byung ba'o/ /rig pa byung ba'o/ /rnam par grol ba byung ba'o/ /bcom ldan 'das sangs rgyas byung ba ni mi dge ba'i chos
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo