| e-texts navigator |
| བོད་ཡིག |
87b1 dkyil dang bye brag med pa'i phyir chos thams cad mnyam pa nyid kyi phyag rgyas btab pa'o/ /blo gros rgya mtsho phyag rgya'i tshig de dag ni phyag rgya'i tshig gang dag gis 'das pa dang ma 'ongs pa dang / da ltar byung ba'i sangs
87b2 rgyas bcom ldan 'das rnams kyi byang chub phyag rgyas btab pa ste/ phyag rgya'i tshig de dag gis chos kyi phung po brgyad khri bzhi stong phyag rgyas btab pa'o/ /blo gros rgya mtsho byang chub sems dpa' phyag rgya de lta bus
87b3 btab na de bzhin gshegs pa'i ye shes kyi phyag rgyar yang dag par 'das te myur du mi skye ba'i chos la bzod pa rab tu 'thob pa'o/ /blo gros rgya mtsho phyag rgya'i tshig de dag ni dge ba'i rtsa ba ma bskyed pa'i sems can rnams
87b4 kyi rna lam du grag par mi 'gyur ro/ /'dir bdud kyi las thams cad tshar bcad do/ /blo gros rgya mtsho chos thams cad yang dag par 'du ba mi zad pa'i za ma tog gi gzungs gang yin pa de yang phyag rgya'i tshig 'di nyid du
87b5 'du ste rjes su zhugs so/ /blo gros rgya mtsho ting nge 'dzin brgyad khri bzhi stong dang sems can gyi spyod pa la 'jug pa'i pha rol du phyin pa brgyad khri bzhi stong gang yin pa de dag kyang phyag rgya'i tshig 'di nyid du 'du ste
87b6 rjes su zhugs so/ /blo gros rgya mtsho de la rdo rje'i tshig de dag gang zhe na/ 'di lta ste/ rang bzhin gyis 'dres pa med pa'i phyir 'jig tshogs ni rdo rje'i tshig ste/ rdo rje'i tshig 'di ni lta ba thams cad nges par
87b7 rtogs par 'gyur ba'o/ /rig pa la 'jug pa'i phyir ma rig pa ni rdo rje'i tshig ste/ rdo rje'i tshig 'di ni lhag par dmigs pa'i dngos po yongs su shes par 'gyur ba'o/ /mngon par 'du byed pa med pa
87b8 dang mnyam pa nyid kyi phyir mtshams med pa'i mtha' ni rdo rje'i tshig ste/ rdo rje'i tshig 'di ni mngon par 'du byed pa thams cad yongs su shes par 'gyur ba'o/ /'dod chags dang bral ba'i mtha'
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo