rKTs

e-texts navigator

Volume

Page

82a₁ long shig ces go bar mdzad pa de la bcom ldan 'das skyes bu gti mug can ma dad pa kha cig ni ma mos glo ba ma ches mi rtog cing dad par mi bgyid do/ /dad pa rtog pa'i rang bzhin can kha cig ni mos shing glo ba
82a₂ chos la rtog cing dad par bgyid de/ de dag gis de bzhin gshegs pa'i chos rin po che'i gter chen po las ci nus ci 'os su chos rin po che len cing theg pa la ji ltar mos pa bzhin du rnam par 'grol te/ kha cig
82a₃ ni nyan thos nyid kyi slad du/ kha cig ni rang sangs rgyas nyid kyi slad du/ kha cig ni bla na med pa yang dag par rdzogs pa'i byang chub kyi slad du zhugs kyang de bzhin gshegs pa'i chos rin po che'i gter chen po
82a₄ bla na ma mchis pa'i yongs su bas par mi 'gyur zhing yongs su mi rtog go/ /bcom ldan 'das de la gang gis de bzhin gshegs pa'i chos rin po che'i gter chen po 'di ltar rab tu btang ba 'di ltar rnam par phye ba
82a₅ 'di las tha na gang chung zad tsam yang mi 'dzin pa de dag rin po che las yongs su nyams shing rin po che las slad rol du gyur te/ yun ring por ngan song gsum po dag la dga' bar 'gyur ro/ /bcom ldan
82a₆ 'das gang dag chos rin po che'i gter chen po 'di las tha na tshig bzhi pa'i tshigs su bcad pa tsam 'dzin pa de dag ni 'phags pa'i nor dang ldan te dbul po ma lags na/ gang 'dus pa chen po'i le'u chos
82a₇ kyi rnam grangs 'di las tha na le'u gcig tsam 'dzin tam/ gnyis sam/ gsum 'am/ bzhi 'am/ lnga 'am/ bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ drug
82a₈ bcu 'am/ bdun bcu 'am/ mtha' dag rdzogs par 'dzin pa ltar lta smos kyang ci 'tshal te/ skyes bu dam pa de dag gi bsod nams kyi mtha' rtogs par mi nus so/ /bcom ldan 'das

_{iiif viewer powered by OpenSeadragon}

81b - 82b

Texts on this page