rKTs

e-texts navigator

Volume

Page

79a₁ sbyin pa dang / grags pas sbyin pa dang / sgras sbyin pa dang / tshigs su bcad pas sbyin pa'o/ /gzhan yang bzhi ste/ ngor blta ba'i sbyin pa dang / skabs chung zad kyi phyir sbyin pa dang / brnyas thabs
79a₂ su sbyin pa dang / rang gi lag nas sbyin pa ma yin pa'o/ /gzhan yang bzhi ste/ ngan pa sbyin pa dang / mi bzod pa'i sbyin pa dang / gus par ma byas pa'i sbyin pa dang / mngon pa'i nga rgyal gyis sbyin pa'o/ /
79a₃ gzhan yang bzhi ste/ mtshon cha sbyin pa dang / dug sbyin pa dang / rung ba ma yin pa'i sbyin pa dang / mi chog par sbyin pa'o/ /gzhan yang bzhi ste/ tshul khrims dang ldan pa rnams la zhe sdang ba dang / tshul khrims
79a₄ 'chal pa rnams la gnod pa dang tha ba'i sems dang ldan pa dang / bdag nyid lhod pa dang / tshul khrims dang sdom pa'i gtam la gsod pa lta bur 'du shes pa'o/ /gzhan yang bzhi ste/ ya nga ba'i rnyed pa yongs su
79a₅ tshol ba dang / chos kyis rnyed pa kun tu bged par mi byed pa dang / gzhan gyi 'thob pa gcod pa dang / rang gis 'thob pas chog mi shes pa'o/ /gzhan yang bzhi ste/ spyod lam gyis lus tshul 'chos pa dang /
79a₆ log par smra bas ngag tshul 'chos pa dang / sdig pa 'dod pas sems tshul 'chos pa dang / 'tsho ba yongs su ma dag pas thams cad du tshul 'chos pa'o/ /gzhan yang bzhi ste/ theg pa mtshungs pa la
79a₇ yang dag par zhugs pa rnams la zhe sdang ba dang / bdud kyi las khong du ma chud pas mngon pa'i nga rgyal can dang / de dag gi bsngags pa ma yin pa brjod pa dang / de dag gi bsngags pa dang yon tan gyis yid
79a₈ mi bde bar 'gyur ba'o/ /gzhan yang bzhi ste/ nga rgyal gyis khengs nas chos rnams la rim gro med pa dang / chos smra ba rnams la mi gus pa dang / pha ma dang slob dpon dang mkhan po rnams la mi 'dud

_{iiif viewer powered by OpenSeadragon}

78b - 79b

Texts on this page