| e-texts navigator |
| བོད་ཡིག |
78b1 dam pa'i chos yongs su 'dzin pa ste/ blo gros rgya mtsho chos gsum po de dag ni theg pa chen po ston par 'gyur ba'o// //'phags pa blo gros rgya mtshos zhus pa/ bam po bdun pa/ blo gros rgya mtsho
78b2 gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ nyes par thos pa nyan pa ste/ 'di ltar 'jig rten rgyang phan pa'i gsang tshig yongs su tshol ba dang / pha rol du phyin pa drug dang
78b3 byang chub sems dpa'i sde snod kyi chos kyi rnam grangs 'di mi nyan pa dang / bdud kyi las kun nas langs pas mngon pa'i nga rgyal byed pa dang / chos kyi sgrib pa kun nas langs nas chos spong ba ste/ blo gros rgya
78b4 mtsho chos bzhi po de dag ni theg pa chen po'i bar chad du 'gyur ba'o/ /gzhan yang chos bzhi ste/ chags pa dang / zhe sdang dang / gti mug dang / nyon mongs pas rgyags nas chos kyi yon tan don du mi gnyer ba'o/ /
78b5 gzhan yang chos bzhi ste/ pha rol gyi rnyed pa rnams la phrag dog byed pa dang / chos ston pa rnams la g.yos ston pa dang / gzings pa'i blos sgyus nye bar spyod pa dang / slu bas sems mi brtan pa'o/ /gzhan yang
78b6 bzhi ste/ dge ba'i bshes gnyen la sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang / chos ma yin pa la chos su 'du shes pa dang / chos la chos
78b7 ma yin par 'du shes pa'o/ /gzhan yang bzhi ste/ ser sna'i dri ma can gyi sems dang / bslong ba rnams la gnod pa dang tha ba can gyi sems dang / byin nas 'gyod pa'i sems dang / thams cad mkhyen
78b8 pa nyid la sems mi phyogs pa'o/ /gzhan yang bzhi ste/ 'dun pas sbyin pa dang / zhe sdang gis sbyin pa dang / gti mug gis sbyin pa dang / 'jigs pas sbyin pa'o/ /gzhan yang bzhi ste/ brjod pas
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo