rKTs

e-texts navigator

Volume

Page

77b₁ pa dang / rkang pa dang / mgo dang / mig yongs su gtong ba'o/ /gzhan yang gsum ste/ dam pa'i chos yongs su 'dzin pa dang / chos smra ba yongs su 'dzin pa dang / theg pa chen po yongs su 'dzin pa'o/ /
77b₂ gzhan yang gsum ste/ 'khor ba'i rgyun mi gcod pa dang / 'khor ba'i skyon khong du chud pa dang / 'khor ba'i skyon yongs su spong ba'o/ /gzhan yang gsum te/ sgrib pa dang bral ba'i sems kyis chos nyan pa
77b₃ dang / kun nas ldang ba med pa'i sems kyis nang du yang dag par 'jog pa dang / 'byung ba'i sems kyis yang dag par bsgrub pa'o/ /gzhan yang gsum ste/ don la rton pa'i thos pa dang / ye shes la rton pa'i so sor
77b₄ rtog pa dang / chos la rton pa'i rnam par grol ba'o/ /gzhan yang gsum ste/ mang du thos pa'i dgon pa na gnas pa dang / dgon pa na gnas te tshul bzhin yid la byed pa dang / tshul bzhin yid la byed pa la rab tu
77b₅ brtson te/ chos thams cad rjes su rtogs pa'o/ /gzhan yang gsum ste/ mkhas pa rnams la bsnyen bkur byed pa dang / mang du thos pa rnams la 'dri ba dang / bsam gtan pa rnams kun tu bsrung ba'o/ /
77b₆ gzhan yang gsum ste/ zang zing med pa'i sems kyis chos sbyin pa dang / chos nyan pa rnams la byams pa nye bar bsgrub pa dang / thams cad mkhyen pa'i sems mngon du byed pa'i las so/ /gzhan yang gsum
77b₇ ste/ sems mnyam pa nyid pas sems can mnyam pa nyid dang / tha dad pa med pa nyid pas chos mnyam pa nyid dang / ye shes mnyam pa nyid pas sangs rgyas mnyam pa nyid do/ /gzhan yang gsum ste/ ye shes kyi
77b₈ dus gsum mnyam pa nyid dang / blos rnam par thar pa gsum mnyam pa nyid dang / yongs su shes pas khams gsum mnyam pa nyid do/ /gzhan yang gsum ste/ 'du byed thams cad la mi rtag pa dang sdug

_{iiif viewer powered by OpenSeadragon}

77a - 78a

Texts on this page