rKTs

e-texts navigator

Volume

Page

76b₁ pa dang / gzugs kyi khams dang ma 'dres pa dang / gzugs med pa'i khams la de ma chags pa'o/ /gzhan yang gsum ste/ ma rnyed pa dang ma grags pa dang smad pa dang sdug bsngal rnams kyis sro shi
76b₂ ba med pa dang / rnyed pa dang grags pa dang bsngags pa dang bde ba rnams kyis khengs pa med pa dang / 'jig rten gyi chos brgyad dang ma 'dres pas ri ltar mi g.yo ba'o/ /gzhan yang gsum ste/ dbang po rnams
76b₃ shin du sbas pa dang / mdud pa rnams las shin du rnam par grol ba dang / sems shin du dul ba'o/ /gzhan yang gsum ste/ sa'i yon tan la gnas pa shes pa dang / sa'i nyes pa zlog pa shes pa dang /
76b₄ sa nas sar 'phar ba shes pa'o/ /gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad par la gnas pa dang / sbyor ba rgyun mi 'chad par gnas pa'o/ /gzhan yang
76b₅ gsum ste/ ting nge 'dzin yongs su dag par bya ba'i phyir lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob pa dang / rnam par grol ba yongs su rdzogs
76b₆ par bya ba'i phyir lhag pa'i shes rab la slob pa'o/ /gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi tshor ba la khong khro ba spong ba dang / sdug bsngal yang med bde ba yang
76b₇ med pa'i tshor ba la ma rig pa spong ba'o/ /gzhan yang gsum ste/ mngon par 'du bya ba med pas rgyu las ldog pa dang / yongs su mi rtog pas nyon mongs pa las ldog pa dang / smon pa med pas khams gsum
76b₈ las ldog pa'o/ /gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med pa yang 'dris par byed la rnam par rtog pa yang nye bar zhi ba dang / smon pa med pa yang 'dris

_{iiif viewer powered by OpenSeadragon}

76a - 77a

Texts on this page