rKTs

e-texts navigator

Volume

Page

75b₁ yang gsum ste/ thos pa yongs su tshol ba dang / thos pa la so sor rtog pa dang / byang chub tu yongs su sngo ba'o/ /gzhan yang gsum ste/ sems can la dmigs pa'i byams pa dang / chos la dmigs pa'i
75b₂ byams pa dang / dmigs pa med pa'i byams pa'o/ /gzhan yang gsum ste/ rang gis byed pa'i snying rje dang / gzhan byed du 'jug pa'i snying rje dang / mtha' gnyis bsal ba'i snying rje chen po'o/ /gzhan yang
75b₃ gsum ste/ bdag la phan pa'i phyir shes pa yongs su tshol ba dang / gzhan la phan pa'i phyir shes pa yongs su tshol ba dang / gnyi ga'i don yongs su rdzogs par bya ba'i phyir brtson 'grus rtsom pa'o/ /gzhan
75b₄ yang gsum ste/ 'das pa la zad par shes pa dang / ma 'ongs pa la ma phyin par shes pa dang / da ltar byung ba la chos gnas pa med par shes pa'o/ /gzhan yang gsum ste/ nges pa'i sems can rnams
75b₅ la rab tu grol ba'i byams pa dang / ma nges pa'i sems can rnams la rab tu grol ba'i byams pa dang / log pa nyid du nges pa'i sems can rnams la bskyab pa chen po'i byams pa'o/ /gzhan yang gsum
75b₆ ste/ 'grogs na bde bas lus las su rung ba dang / pha rol kun du bsrung bas ngag snyan pa dang / drang bas sems las su rung ba'o/ /gzhan yang gsum ste/ mi sdug pa la yang gnas la 'dod chags
75b₇ la spyod pa'i sems can dang 'grogs pa la yang mi smod pa dang / byams pa la yang gnas la zhe sdang la spyod pa'i sems can dang 'grogs pa la yang mi smod pa dang / rten cing 'brel par 'byung ba la yang
75b₈ rnam par lta la gti mug la spyod pa'i sems can dang 'grogs pa la yang mi smod pa'o/ /gzhan yang gsum ste/ legs par spyad pa'i phyir phan pa dang / chog shes pa'i phyir ran pa dang / phyis

_{iiif viewer powered by OpenSeadragon}

75a - 76a

Texts on this page