rKTs

e-texts navigator

Volume

Page

75a₁ de gnyis ni theg pa chen po la gces spras byed pa'o/ /blo gros rgya mtsho chos 'di gnyis ni theg pa chen po la dka' ba byed pa ste/ gnyis gang zhe na/ skye ba med pa las skye ba dang / 'byung ba med
75a₂ pa las 'byung ba ste/ blo gros rgya mtsho chos de gnyis ni theg pa chen po la dka' ba byed pa'o/ /blo gros rgya mtsho gzhan yang theg pa chen po ston par 'gyur ba'i chos gsum ste/ gsum gang zhe na/ 'di lta ste/
75a₃ dge ba'i rtsa bas brtan nas byang chub tu sems bskyed pa dang / dge ba'i bshes gnyen gyis yongs su zin pas zhum pa med pa dang / snying rje chen po la rab tu gnas pas phyir mi ldog pa ste/ blo gros rgya mtsho chos
75a₄ gsum po de dag ni theg pa chen po ston par 'gyur ba'o/ /gzhan yang theg pa chen po ston par 'gyur ba'i chos gsum ste/ gsum gang zhe na/ tshogs yongs su tshol ba dang / tshogs la so sor rtog pa dang /
75a₅ tshogs la sems can sbyor ba ste/ gsum po de dag go/ /gzhan yang gsum ste/ gsum gang zhe na/ ser sna tshar gcod pa dang / gtong ba 'phel bar byed pa dang / byang chub tu yongs su sngo ba ste/ gsum
75a₆ po de dag go/ /gzhan yang gsum ste/ tshul khrims yang dag par 'dzin pa dang / tshul khrims 'chal ba'i sems can yongs su smin par byed pa dang / byang chub tu yongs su sngo ba'o/ /gzhan yang
75a₇ gsum ste/ khong khro ba med pa'i sems dang / sems can khros pa dad par byed pa dang / byang chub tu yongs su sngo ba'o/ /gzhan yang gsum ste/ brtson 'grus ma god pa dang / sems can le lo
75a₈ can rnams yongs su smin par byed pa dang / byang chub tu yongs su sngo ba'o/ /gzhan yang gsum ste/ bsam gtan skyed pa dang / bsam gtan de la ma chags pa dang / byang chub tu yongs su sngo ba'o/ /gzhan

_{iiif viewer powered by OpenSeadragon}

74b - 75b

Texts on this page