| e-texts navigator |
| བོད་ཡིག |
6a1 bsgrags te/ sil snyan gyi sgra des thams cad dang ldan pa'i 'khor de bsam gtan la snyoms par zhugs pa bzhin du bdag bde bas tshim par shes so/ /de nas byang chub sems dpa' sems
6a2 dpa' chen po blo gros rgya mtshos bcom ldan 'das la mchod pa 'di lta bu 'di byas nas/ bcom ldan 'das kyis zhabs la mgo bos phyag 'tshal te lan bdun bskor ba byas nas/ bcom ldan 'das kyis
6a3 spyan sngar thal mo sbyar te 'dug nas/ bcom ldan 'das la 'di skad ces gsol to/ /bcom ldan 'das de bzhin gshegs pa rgya mtsho'i mchog mnga' ba'i blos rnam par rol pa mngon par 'phags pa'i mngon
6a4 par mkhyen pa bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol to/ /byang chub sems dpa' sems dpa' chen po de dag
6a5 thams cad kyis kyang bcom ldan 'das kyis zhabs la mgo bos phyag 'tshal te/ lan bdun bskor ba byas nas slar rang rang gis stan la 'khod do/ /de nas stong gsum gyis stong chen po'-i tshangs pa snying rje
6a6 chen po sems pa zhes bya ba mya ngan med pa'i gling bzhi pa chen po na gnas pa/ tshangs pa'i 'jig rten na 'dug pas stong gsum gyi stong chen po'i 'jig rten gyi khams chus yongs su gang ba'i rgya mtsho gcig lta
6a7 bu yang mthong / pad ma rnam par bkra ba/ blta na sdug pa/ bye ba khrag khrig brgya phrag stong mngon par byung ba yang mthong / rin po che bkod pa 'khor gyis khyams byang chub sems dpa' sa gang ba yang mthong
6a8 ste/ mthong nas kyang de 'di snyam du sems te/ bsreg pa'i bskal pa ni ma byung na chus 'jig pa 'di byung ste/ 'di lta bu'i cho 'phrul 'di dag kun tu snang ba 'di la rgyu ci yod/ bdag bcom ldan 'das kyis thad
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo