| e-texts navigator |
| བོད་ཡིག |
69b1 lta ste/ chos thams cad rang bzhin gyis ma skyes pa dang ma byung bar rig nas mi skye ba'i chos la bzod pa rab tu thob pa ste/ blo gros rgya mtsho 'di ni theg pa chen po sdud par 'gyur ba'i chos gcig go/ /blo gros rgya mtsho chos
69b2 de dag ni theg pa chen po sdud par 'gyur ba dang / 'dzin pa dang / gnas pa thams cad 'dod par 'gyur ba dag go/ /blo gros rgya mtsho gzhan yang theg pa chen po la gces spras byed pa'i chos gnyis te/ gnyis
69b3 gang zhe na/ 'di lta ste/ sangs rgyas kyi chos rnams la mos pa dang / nyan thos dang rang sangs rgyas kyi chos rnams la 'dod pa med pa ste/ blo gros rgya mtsho chos gnyis po de dag ni theg pa chen po la gces spras byed pa'o/ /
69b4 blo gros rgya mtsho theg pa chen po la dga' ba byed pa'i chos gnyis te gnyis gang zhe na/ mos pas rnam par grol ba de kun du spong ba dang / rnam par grol ba de'i phyir chos ston pa ste/ blo gros rgya mtsho chos gnyis po de dag
69b5 ni theg pa chen po la dga' ba byed pa'o/ /blo gros rgya mtsho theg pa chen po la gces spras byed pa'i chos gnyis te/ gnyis gang zhe na/ byang chub kyi sems las mi nyams pa dang / sems la lta ba la brtan pa'o/ /
69b6 dka' ba byed pa'i chos gnyis te/ byang chub kyi sems la sgyu ma lta bur so sor rtog pa dang / sems can thams cad la bdag med par so sor rtog pa'o/ /gces spras byed pa'i chos gnyis te/ bsam pa mi 'dor ba
69b7 dang / sbyor ba bcos ma ma yin pa'o/ /dka' ba byed pa'i chos gnyis te/ rtsa ba yongs su dag pa'i bsam pa dang / byed pa med cing bral ba yang ma yin par bsod nams stsogs pa'o/ /gces spras byed pa'i chos
69b8 gnyis te/ dge ba'i rtsa ba rnams la sbyor ba dang / sbyor ba yang nyams 'og tu chud par byed pa'o/ /dka' ba byed pa'i chos gnyis te/ spros pa med par sbyor ba dang / sbyor ba nyams 'og tu chud par byed pas dben pa'o/ /
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo