rKTs

e-texts navigator

Volume

Page

65a₁ byang chub kyi snying po la 'dug go/ /nga'i ngo bo nyid gang yin pa de byang chub kyi snying po'i ngo bo nyid de byang chub kyang de'i ngo bo nyid sems can thams cad de'i ngo bo nyid/ chos thams cad kyang de'i
65a₂ ngo bo nyid do/ /'jam dpal byang chub kyi snying por gang ngas mngon par rdzogs par sangs rgyas pa de ni ngo bo nyid gcig pa'o/ /ro gcig pa'o/ /mngon par rdzogs par sangs rgyas nas kyang de bzhin gshegs
65a₃ pas byang chub kyi snying po las rnam par grol ba'i chos gang yang ma gzigs so/ /byang chub mnyam pa nyid pas chos thams cad mnyam pa nyid du mngon par rdzogs par sangs rgyas so/ /mnyam pa nyid ni chos gang gi grangs
65a₄ su 'gro ba ma yin te grangs med pa grangs dang bral ba'o/ /de'i phyir de bzhin gshegs pa 'dus ma byas pa zhes bya'o/ /'jam dpal de bzhin gshegs pa ni 'dus ma byas thob pa ste/ 'dus byas thams cad
65a₅ las shin du 'das so/ /'jam dpal gang dag de bzhin gshegs pa'i bstan pa 'di la mos pa de dag thams cad de bzhin gshegs pa'i rnam par grol bas rnam par grol bar 'gyur ro/ /rnam par grol nas chos
65a₆ nyid de las 'da' bar mi 'gyur ro/ /de nas byang chub sems dpa' gang dag byang chub sems dpa' blo gros rgya mtsho dang lhan cig tu 'jig rten gyi khams mi mjed 'dir lhags pa de dag gis bstan pa 'di thos
65a₇ nas tshim zhing mgu la yi rangs shing rab tu dga' ste dga' ba dang yid bde ba skyes nas bdag cag sangs rgyas kyi zhing 'dir legs par lhags pa dang / bcom ldan 'das dang / 'jam dpal gzhon nur gyur
65a₈ pa dang / skyes bu dam pa 'di dag kyang mthong ba dang / chos zab mo bstan pa 'di yang thos pa ni bdag cag gis rnyed pa legs par rnyed do zhes ched du brjod pa ched du brjod do/ /gang du chos kyi rnam grangs 'di gnas par

_{iiif viewer powered by OpenSeadragon}

64b - 65b

Texts on this page