| e-texts navigator |
| བོད་ཡིག |
61b1 ba skyes nas/ bcom ldan 'das de la 'di skad ces gsol to/ /bcom ldan 'das ji tsam du de bzhin gshegs pas byang chub sems dpa' rnams kyi dam pa'i chos yongs su 'dzin pa 'di legs par gsungs pa ni ngo mtshar to/ /bcom
61b2 ldan 'das ji ltar bdag gis bcom ldan 'das kyis gsungs pa'i don 'tshal ba ltar na bdag 'di snyam bgyid de/ bcom ldan 'das chos thams cad ni chos ma lags so/ /gang chos ma lags pa de ni chos so/ /de ci'i slad du zhe na/ bcom ldan 'das
61b3 chos thams cad ni mngon par zhen pas chos ma lags so/ /gang mngon par zhen pa ma mchis pa de ni chos so/ /bcom ldan 'das chos dang chos ma lags pa gnyis kyi 'du shes dang ldan pa'i chos thams cad ni chos ma lags pa'o/ /bcom ldan
61b4 'das 'du shes yongs su shes pa dang ldan pa'i chos thams cad ni chos so/ /bcom ldan 'das don dam par bstan na chos dang chos ma lags pa mi dmigs so/ /gang la chos kyi 'du shes kyang ma mchis/ chos ma lags pa'i
61b5 'du shes kyang ma mchis pa de la chos su bgrang ba gang yang ma mchis so/ /gang la chos su bgrang ba gang yang ma mchis pa de mtha' ma lags pa'o/ /gang mtha' ma lags pa de yang dag pa'i mtha'o/ /de ci'i slad du zhe na/
61b6 nam mkha'i mtha' ni yang dag pa'i mtha' ste/ nam mkha' la ni tshar bcad pa'i mtha' gang yang ma mchis so/ /ji ltar nam mkha' la tshar bcad pa'i mtha' gang yang ma mchis pa de bzhin du chos thams cad la yang tshar
61b7 gcad pa'i mtha' gang yang ma mchis te/ de'i slad du chos thams cad ni nam mkha'i zhes bgyi'o/ /bcom ldan 'das byang chub sems dpa' gang dag gis yang dag pa'i mtha' bstan pa 'di thos nas de bzhin du yang dag pa nyid du khas len pa de dag ni chos
61b8 gang la yang gnyis su dbye bar khas len pa ma lags so/ /bcom ldan 'das bdag gis ni chos gang yongs su bzung bas dam pa'i chos yongs su 'dzin pa bstan pa'i chos gang yang yang dag par rjes su ma mthong ngo / /bcom ldan 'das bdag gis de ltar
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo