| e-texts navigator |
| བོད་ཡིག |
60b1 yongs su gzung bar bgyi ba'i chos de gang lags/ de skad ces gsol pa dang / bcom ldan 'das ye shes chen po'i stobs bsgrags pa'i de bzhin gshegs pa des byang chub sems dpa' chos smra ba la 'di
60b2 skad ces bka' stsal to/ /rigs kyi bu kye ma'o sems 'di ni yul la rab tu phyar ba ste/ gang de zlog pa dang / yongs su srung ba dang / rtse gcig tu 'gyur ba dang / dul ba dang / zhi ba dang / nye bar zhi ba dang 'dul ba
60b3 'di ni dam pa'i chos yongs su 'dzin pa zhes bya'o/ /de ci'i phyir zhe na/ mig dang / gzugs rnams dang / mig gi rnam par shes pa shes bya ba chos ma yin pa 'di ni chos ma yin pa'o/ /rna ba dang / sgra rnams
60b4 dang / rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang /
60b5 yid dang / chos rnams dang / yid kyi rnam par shes pa zhes bya ba chos ma yin pa 'di ni chos ma yin pa'o/ /gang mig dang gzugs stong par rig nas mig dang gzugs rnams la rnam par mi rtog cing mig gi
60b6 rnam par shes pa la gnas pa med pa 'di ni dam pa'i chos yongs su 'dzin pa'o/ /gang yang dag pa'i ye shes kyis de gzhan dag la go bar byed pa la mkhas pa 'di ni dam pa'i chos yongs su 'dzin pa'o/ /de bzhin
60b7 du rna ba dang / sgra dang sna dang / dri dang lce dang / ro dang lus dang / reg bya dang yid dang / chos rnam stong par rig nas yid dang chos rnams la rnam par mi rtog cing yid kyi rnam par shes pa la gnas pa med pa 'di ni dam pa'i chos
60b8 yongs su 'dzin pa'o/ /de yang yang dag pa'i ye shes kyi gzhan dag la go bar byed pa la mkhas pa 'di ni dam pa'i chos yongs su 'dzin pa'o/ /rigs kyi bu gzhan yang chos gang gis chos gang byung ba'i chos de la yongs su
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo