| e-texts navigator |
| བོད་ཡིག |
59a1 zhing / /mkhas pa yan lag smad pa med par 'gyur/ /de la lta bas ngoms par yong mi 'gyur/ /de bzhin gshegs pa'i dam pa'i chos 'dzin pa/ /gang dag chos kyi phyag rgya 'di ston pa'i/ /dge ba'i bshes gnyen
59a2 de la dkon mi 'gyur/ /chos mdzod zad mi shes pa nyan par byed/ /de bzhin gshegs pa'i dam pa'i chos 'dzin pa/ /lus dang ngag dang yid kyang rnam par dag /tshul khrims ting 'dzin shes rab rnam par dag /rnam grol ye shes
59a3 shin du rnam par dag / de bzhin gshegs pa'i dam pa'i chos 'dzin pa/ /de ni byang chub sems brjed 'gyur ba med/ /pha rol phyin pa spyod dang 'gal mi 'gyur/ /dge ba brgya rnams kyis kyang rab tu bzung / /de dag rnams kyi yon tan
59a4 phan yon rnams/ /bskal pa rgyun mi 'chad par rab brjod kyang / /dam chos 'dzin pa'i phan yon 'di dag ni/ /brjod pas mtha' mar phyin par mi 'gyur ro/ /sangs rgyas kyi chos bstan pa'i le'u ste drug pa'o// //
59a5 de nas byang chub sems dpa' sems dpa' chen po yon tan gyi rgyal po snang ba/ zhes bya ba 'khor de nyid du 'dus par gyur te 'dug pa des/ bcom ldan 'das la 'di skad ces gsol to/ /bcom ldan 'das kyis ngas chos gang
59a6 mngon par rdzogs par sangs rgyas pa de brjod du med do zhes gsungs na/ bcom ldan 'das chos brjod du ma mchis pa lags na dam pa'i chos yongs su bzung ba ji lta bu zhig lags/ bcom ldan 'das kyis bka' stsal pa/ rigs kyi bu
59a7 de de bzhin no/ /ji skad smras pa bzhin te/ chos gang ngas mngon par rdzogs par sangs rgyas pa de brjod du med do/ /rigs kyi bu 'on kyang yi ge'i nges pa'i tshig gang dag gis brjod du med pa 'dus ma byas kyi chos de bsnyad pa'i yi ge'i nges pa'i tshig
59a8 de dag gang len pa dang 'dzin pa dang ston pa dang / rab tu shes par byed pa dang / 'jog pa dang rnam par 'grel pa dang / rnam par 'byed pa dang gsal bar byed pa dang / yang dag par rab tu ston pa 'di ni dam pa'i chos yongs su 'dzin pa zhes bya'o/ /rigs
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo