rKTs

e-texts navigator

Volume

Page

53a₁ byas te/ /bdag gis byang chub sems dpa' phyir bsnyil to/ /brtson 'grus brtsams pa'i le'u ste lnga pa'o// // de nas tshangs pa chen po snying rje chen po sems pas byang chub sems dpa'
53a₂ sems dpa' chen po blo gros rgya mtsho la 'di skad ces smras so/ /rigs kyi bu sangs rgyas kyi chos rnams sangs rgyas kyi chos rnams shes bya ba de la sangs rgyas kyi chos rnams shes bya ba la de dag gang gi tshig bla dgas de skad ces smras pa dang byang chub sems
53a₃ dpa' blo gros rgya mtshos tshangs pa snying rje chen po sems pa la 'di skad ces smras so/ /tshangs pa sangs rgyas kyi chos rnams sangs rgyas kyi chos rnams shes bya ba la sangs rgyas kyi chos rnams shes bya ba de ni chos thams cad kyi tshig bla dgas
53a₄ so/ /de ci'i phyir zhe na/ tshangs pa de bzhin gshegs pas yongs su chad pa'i rnam pas tshad dang ldan par byang chub mngon par rdzogs par sangs rgyas pa ma yin gyi/ de bzhin gshegs pas yongs su ma chad pa'i rnam pas chos thams
53a₅ cad mnyam pa nyid kyi rnam pas tshad med par byang chub mngon par rdzogs par sangs rgyas so/ /tshangs pa chos thams cad mnyam pa nyid du khong du chud pa ni byang chub ste/ tshangs pa de'i phyir chos thams cad ni sangs rgyas kyi chos rnams
53a₆ shes bya'o/ /tshangs pa chos thams cad ci 'dra ba'i sangs rgyas kyi chos thams cad kyang de 'dra ba nyid do/ /chos thams cad kyi ngo bo nyid gang yin pa de sangs rgyas kyi chos rnams kyi ngo bo nyid do/ /chos thams cad dben pa nyid pas
53a₇ sangs rgyas kyi chos dben pa nyid du khong du chud par bya'o/ /chos thams cad stong pas sangs rgyas kyi chos stong pa nyid du khong du chud par bya'o/ /tshangs pa chos thams cad ni rten cing 'brel par 'byung ba dag ste rten cing 'brel par
53a₈ 'byung ba khong du chud pa ni byang chub bo/ /de bzhin gshegs pa chos thams cad ji ltar gzigs pa ltar sangs rgyas kyi chos de dag kyang de 'dra ba nyid do/ /tshangs pa snying rje chen po sems pas smras pa/ rigs kyi bu sangs rgyas kyi chos

_{iiif viewer powered by OpenSeadragon}

52b - 53b

Texts on this page