| e-texts navigator |
| བོད་ཡིག |
4a1 ri rab rnams dang / 'dod pa na spyod pa'i lha'i bu rnams la yang sngon ji ltar phyis kyang de bzhin du sgrib pa ci yang med par de kho na bzhin du kun du snang ngo / /chu'i phung po de las kyang pad ma chu ba ni bai dUr+ya/
4a2 sdong bu ni an da rnyil/ lo ma ni 'dzam bu'i chu bo'i gser/ ze ba ni dpal gyi snying po/ snying po n-i rdo'i snying po las grub pa/ mu tig gi dra bas ni khebs par byas pa/ 'dab ma bye ba khrag khrig brgya stong phrag du ma dang
4a3 ni ldan pa/ tshad ni rgyang grags kyi khyon tsam yod pa bye ba khrag khrig brgya stong phrag mang po byung ste/ de dag rin po che'i bkod pa'i 'khor gyi khyams kyi gzhi las thal nas shing ta la'i srid du 'phags te/ thams cad dang
4a4 ldan pa'i 'khor de yang de'i tshe pad ma la 'khod par kun tu snang ngo / /pad ma de dag las kyang 'od gang dag gis phyogs bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'od de lta
4a5 bu dag byung ngo / /de nas thams cad dang ldan pa'i 'khor de ngo mtshar du gyur nas ji ltar snga ltas 'di dag kun du snang ba las na/ kye ma'o 'di ni chos bstan pa chen por 'gyur ro zhes ched du brjod pa ched du brjod do/ /de nas
4a6 byang chub sems dpa' sems dpa' chen po byams pas cho 'phrul chen po de mthong nas pad ma'i stan las langs te/ bla gos phrag pa gcig tu gzar nas pus mo g.yas pa'i lha nga pad ma'i snying po la gtsug
4a7 te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das gang stong gsum gyi stong chen po'i 'jig rten gyi khams 'di chab
4a8 kyis yongs su gtams pa'i rgya mtsho gcig lta bur kun du gang ba dang / pad ma bye ba khrag khrig brgya stong 'di snyed cig mngon par byung ba 'di dag dang / bcom ldan 'das sngon ma mthong ma thos pa'i cho 'phrul
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo