| e-texts navigator |
| བོད་ཡིག |
47a1 byang chub sems dpa' rnams kyi dge ba'i chos thams cad sdud par 'gyur ba'o/ /de la rtsom pa ni gang / rtul ba ni gang / so sor rtog pa ni gang / bsgrub pa ni gang zhe na/ rigs kyi bu
47a2 rtsom pa zhes bya ba ni byang chub tu sems bskyed pa'o/ /rtul ba zhes bya ba ni dge ba'i rtsa ba thams cad yang dag par bsgrub pa'o/ /so sor rtog pa zhes bya ba ni sems can thams cad la phan pa'i dngos
47a3 po'o/ /bsgrub pa zhes bya ba ni de byed pa'i chos la bzod pa'o/ /gzhan yang rtsom pa ni thos pa yongs su tshol ba'o/ /rtul ba ni thos pa ston pa'o/ /so sor rtog pa ni tshul bzhin yid la byed pa'o/ /
47a4 bsgrub pa ni 'phags pa'i yang dag pa'i lta ba'o/ /gzhan yang rtsom pa ni ser sna'i sems tshar gcod pa'o/ /rtul ba ni bdog pa thams cad yongs su gtong ba'o/ /so sor rtog pa ni sems can
47a5 thams cad dang thun mong du byang chub tu yongs su sngo ba'o/ /bsgrub pa ni rnam par smin pa la mi re ba'o/ /gzhan yang rtsom pa ni gtong ba chen po sgrogs pa'o/ /rtul ba ni gang slong ba po rnams la dge
47a6 ba'i bshes gnyen du 'du shes pa'o/ /so sor rtog pa ni kye ma'o/ /longs spyod 'di dag mi rtag pa'o snyam pa'o/ /bsgrub pa ni byin nas 'gyod pa med pa'o/ /gzhan yang rtsom pa ni chos kyis longs
47a7 spyod yongs su tshol ba'o/ /rtul ba ni 'tsho ba yongs su dag pa'o/ /so sor rtog pa ni bdag gis snying po blangs par 'gyur ro snyam pa'o/ /bsgrub pa ni sbyin pas rlom sems su mi byed pa'o/ /gzhan yang rtsom
47a8 pa ni 'chal pa'i tshul khrims kyi dri ma sel ba'o/ /rtul ba ni tshul khrims dang brtul zhugs ma nyams pa'o/ /so sor rtog pa ni tshul khrims 'chal pa'i sems can yongs su smin par byed pa'o/ /bsgrub pa
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo