| e-texts navigator |
| བོད་ཡིག |
46a1 ji snyed pa de snyed kyi yang dag par rdzogs pa'i sangs rgyas 'jig rten du 'byung bar 'gyur te/ kye ma bskal pa me tog gi 'byung gnas 'di ni sangs rgyas bcom ldan 'das rnams kyis stong
46a2 par mi 'gyur ro zhes ched du brjod pa ched du brjod do/ /de ltar na me tog gi 'byung gnas me tog gi 'byung gnas shes bskal pa de'i ming chags so/ /blo gros rgya mtsho ci'i phyir 'jig rten gyi khams de shin
46a3 du rnam par bltas pa zhes bya zhe na/ ji tsam du phyogs bcu'i sangs rgyas kyi zhing rnams nas byang chub sems dpa'/ grangs med dpag tu med pa gang dag 'jig rten gyi khams de rnam par blta ba'i
46a4 phyir lhag pa de dag gis 'jig rten gyi khams de la rnam par bltas ma thag tu/ dga' ba'i rnam pa zhes bya ba'i ting nge 'dzin rab tu thob ste/ bde ba thams cad kyis tshim par 'gyur ba de tsam du
46a5 'jig rten gyi khams de yongs su dag par gyur te de'i phyir 'jig rten gyi khams de shin du rnam par bltas pa zhes bya'o/ /blo gros rgya mtsho 'jig rten gyi khams de na rin po che sna bdun phrag stong gnas
46a6 par gyur to/ /rin po che'i shing ljon pa dang rin po che'i khang pa brtsegs pa rnams kyis kyang kun tu gsal bar gyur to/ /'jig rten gyi khams de na bud med kyi bag med par gyur cing mngal na gnas
46a7 pa med de sems can de dag thams cad kyang pad ma rnams la skyil mo dkrungs bcas te 'khod par brdzus te byung ngo / /'jig rten gyi khams de na theg pa chen po ma gtogs par theg pa gzhan rnam par
46a8 gzhag pa med par gyur to/ /lha dang mi de dag kyang yongs su spyad pa dag ni dga' ldan gyi dang 'dra bar bza' ba dang btung ba yang bsams pas 'byor pa/ mngon par shes pas rnam par rtsen pa/
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo