| e-texts navigator |
| བོད་ཡིག |
45b1 le lo can rnams la ni shin du ring zhing rnam par ring ngo / /le lo can la sbyin pa med do/ /le lo can la tshul khrims med do/ /le lo can la bzod pa med do/ /le lo can la brtson 'grus med do/ /le lo
45b2 can la bsam gtan med do/ /le lo can la shes rab med do/ /le lo can la bdag gi don med do/ /le lo can la gzhan gyi don med do/ /blo gros rgya mtsho rnam grangs 'dis 'di ltar ji ltar brtson
45b3 'grus brtsams pa'i byang chub sems dpa' rnams la bla na med pa yang dag par rdzogs pa'i byang chub rnyed dka' ba ma yin pa de rig par bya'o/ /blo gros rgya mtsho sngon byung ba 'das pa'i dus na/
45b4 grangs med pa bdun par gyur pa de'i tshe de'i dus na bskal pa me tog gi 'byung gnas la shin tu rnam par bltas pa'i 'jig rten gyi khams su bcom ldan 'das brtson 'grus 'bar ba zhes bya ba'i
45b5 de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa
45b6 lha dang mi rnams kyi ston pa/ sangs rgyas bcom ldan 'das 'jig rten du byung ngo / /ci'i phyir bskal pa de me tog gi 'byung gnas shes bya zhe na/ blo gros rgya mtsho stong gsum gyi stong chen po'i 'jig rten gyi
45b7 khams de tshig ste chus 'jig pa byung ba na pad ma lo ma bye ba brgya stong phrag du ma dang ldan pa/ rnam par bkra ba blta na sdug pa brgyad khri bzhi stong byung nas de dag thams cad kyis chu'i phung po de rgyas par bkang
45b8 ste gnas so/ /de nas gnas gtsang ma'i ris kyis lha dag gis pad ma de dag /mthong nas tshim zhing mgu la yi rangs shing rab tu dga' ste/ dga' ba dang yid bde ba skyes nas pad ma 'di dag byung ba
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo