rKTs

e-texts navigator

Volume

Page

45a₁ de ltar 'gro ba'i spyod pa sna tshogs te/ /de la 'jug pa dang ni mtshan ma dang / /rkyen dang dmigs pa'ang khong du chud byas la/ /de'i 'og tu de yi mtshan nyid bstan/ /kun nas zhags pa'i dra bar rab
45a₂ bcug pa/ /rig pa 'dzin pa'i skyes bu mkhas pa gsal/ /des ni zhags pa thams cad rab bcad nas/ /ji ltar 'dod pa bzhin du ma snang 'gro/ /de ltar byang chub sems dpa' dpa' mkhas pa/ /'gro ba kun la
45a₃ sems kyi bsam zhugs nas/ /nyon mongs de dag thams cad rab bcad de/ /sgrib pa med par 'gro ba kun la spyod/ /nyi ma'i 'od la grogs ni bya mi dgos/ /sbrul gdug la yang grogs bya dgos ma yin/ /
45a₄ seng ge'i sgra la grogs bya mi dgos te/ /byang chub sems dpa' la yang grogs mi dgos/ /de dag grogs med gcig pu gnyis med par/ /sangs rgyas chos mang yang dag sgrub par byed/ /brtson 'grus dang
45a₅ ni mthu dang stobs su ldan/ /'gro ba'i nyon mongs rnams ni rab tu 'jom/ /ji lta ji ltar mes ni rtswa rnyed pa/ /de lta de ltar de stobs phyir zhing 'phel/ /ji ltar byang chub sems dpa' nyon mongs srid/ /de lta de
45a₆ ltar shes rab ma rab 'phel/ /dpe bstan pa'i le'u ste/ bzhi pa'o// // de nas yang bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros
45a₇ rgya mtsho byang chub sems dpas brtson 'grus brtsams par bya'o/ /byang chub sems dpas rtag tu rtul ba brtan pa dang 'dun pa che bar bya'o/ /gces pa mi 'dor bar bya'o/ /blo gros rgya mtsho brtson 'grus
45a₈ brtsams pa'i byang chub sems dpa' rnams la ni bla na med pa yang dag par rdzogs pa'i byang chub rnyed par dka' ba ma yin no/ /de ci'i phyir zhe na/ blo gros rgya mtsho gang na brtson 'grus yod pa de na byang chub yod do/ /

_{iiif viewer powered by OpenSeadragon}

44b - 45b

Texts on this page