| e-texts navigator |
| བོད་ཡིག |
44b1 min te/ /de dag la ni dpe byar mi nus so/ /nam mkha' mtshungs shing dri med ngo bo nyid/ /gzugs can ma yin bstan du yod ma yin/ /mig gis shes bya ma yin rna snas min/ /lce dang lus dang yid rnams
44b2 kyis kyang min/ /mtshan nyid ma yin mtshan nyid rnam par log /zhi ba gnas med zla ba'i gzugs brnyan 'dra/ /de la sems mi rgyu ste yid kyang min/ /rnam shes ma yin 'du shes sems pa min/ /
44b3 de dag ye shes las dang de bzhin du/ /rnam par shes pa'i las kyis shes mi nus/ /ye shes rnams kyis chos 'di bsnyad pa gang / /sangs rgyas thugs rje 'di ni bla na med/ /sems can gang dag sngon
44b4 chad byas ldan zhing / /dge ba'i bshes gnyen gyis kyang yongs su zin/ /de dag 'di 'dra'i chos 'di thos nas ni/ /dga' ba rgya chen zang zing med pa 'thob/ /'di ni ci sems ci zhig byed cig ces/ /
44b5 de dag bdud kyis skyon chags mi rnyed de/ /sems dang sems kyi spyod yul mi shes na/ /bar du bdud las byed par ga la 'gyur/ /bdud bzhi 'di las shin tu 'das nas ni/ /rigs pa dang ni blo dang bsod nams
44b6 dang / /tshul gyis sangs rgyas spyod yul rab gnas pa/ /byang chub spyod pa dam pa 'di la spyod/ /gang zhig sems can kun gyi spyod shes pa/ /de ni byang chub spyod mchog 'di la spyod/ /de yis spyod pa rnam
44b7 mang 'di thos nas/ /de yi mtshan nyid chos kyang rab tu ston/ /'gro ba'i spyod pa 'di ni sna tshogs te/ /phan tshun dmigs par yang dag rab tu ldan/ /bdag chen de dag spyod yul de shes nas/ /phyad par
44b8 nges par bstan pa lung yang ston/ /'di na sems can chags mang chags pa yod/ /de dag zhe sdang bag nyal rnam pa mang / /de dag zhe sdang nyon mos gzir bar snang / /de dag gti mug chen pos gnod par gyur/ /
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo