| e-texts navigator |
| བོད་ཡིག |
43b1 pa ma yin no/ /shA ra dwa ti'i bu 'di lta ste dper na/ nor bu rin po che byi dor byas te 'od gsal ba ni dga' ba yang dag par skyed pa yin no/ /shA ra dwa ti'i bu de bzhin du byang chub sems dpa' yun ring po spyad pa chos bstan
43b2 pa rnams la 'jigs pa med pa yang sems can thams cad kyi dga' ba yang dag par skyed pa yin no/ /shA ra dwa ti'i bu 'di lta ste dper na/ nor bu rin po che ni chung ngu yang khyad du mi gsad do/ /de ci'i phyir zhe na/
43b3 de chung du zin kyang gnas khang ngam khyim 'am khang par bcug na de thams cad snang bar byed do/ /shA ra dwa ti'i bu de bzhin du byang chub sems dpa' las dang po pa la yang brnyas par mi bya'o/ /de ci'i phyir zhe na/ de byang chub
43b4 thob nas sangs rgyas kyi 'od kyi sangs rgyas kyi zhing thams cad rgyas par 'gengs par 'gyur ba'i phyir ro/ /shA ra dwa ti'i bu 'di lta ste dper na/ nor bu rin po che gang dag rin thang med pa de dag ni yang ba yin no/ /
43b5 shA ra dwa ti'i bu de bzhin du byang chub sems dpa' gang dag phyir mi ldog par 'gyur ba de dag nga rgyal med pa yin no/ /shA ra dwa ti'i bu 'di lta ste dper na/ lo thog yongs su rdzogs pa ni g.yur za'o/ /shA ra dwa ti'i
43b6 bu de bzhin du dkar po'i chos yongs su rdzogs pa'i byang chub sems dpa' yang sems can thams cad la 'dud do/ /shA ra dwa ti'i bu 'di lta ste dper na/ gang sa chen po 'di tshig par byed pa'i sreg pa'i
43b7 bskal pa'i me de ni gang nas kyang mi 'ong ngo / /shA ra dwa ti'i bu de bzhin du byang chub sems dpa'i ye shes kyi me gang gis bag chags kyi mtshams sbyor bar 'gyur ba'i/ nyon mongs pa rnams bsregs
43b8 nas bla na med pa yang dag par rdzogs pa'i byang chub mngon par rdzogs par 'tshang rgya ba de dag gang nas kyang mi 'ong ngo / /shA ra dwa ti'i bu 'di lta ste dper na/ stong gsum gyi stong chen po'i 'jig rten gyi
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo