| e-texts navigator |
| བོད་ཡིག |
42a1 gcig pu gnyis su med par byang chub kyi yan lag rnams yang dag par sdud do/ /shA ra dwa ti'i bu 'di lta ste dper na/ srin bu me khyer brgya stong gis kyang nyi ma'i 'od zil gyis gnon mi nus
42a2 so/ /shA ra dwa ti'i bu 'di lta ste dper na/ dug gi gnyen po nad med par byed pa chung ngus kyang dug shin du mang po zhi bar byed do/ /shA ra dwa ti'i bu de bzhin du byang chub sems dpa'i shes rab kyi nad med pa
42a3 chung ngus kyang nyon mongs pa'i dug mang po shin du zhi bar byed do/ /shA ra dwa ti'i bu 'di lta ste dper na/ bar snang las ro gcig pa'i chu'i rgyun 'bab pa bab nas snod kyi bye brag gis ro bro ba tha dad du 'gyur ro/ /
42a4 shA ra dwa ti'i bu de bzhin du byang chub sems dpa' yang rnam par grol ba'i ye shes ro gcig pa yang dag par bsgrub ste/ sems can gyi dbang po tha dad pa rnams la chos bstan pa tha dad pa ston to/ /shA ra dwa ti'i bu
42a5 'di lta ste dper na/ gang du 'dzam bu'i chu bo'i gser byung ba der rin po che thams cad mog mog por 'gyur ro/ /shA ra dwa ti'i bu de bzhin du gang du byang chub sems dpa' rin po che byung ba der/ nyan thos dang rang sangs
42a6 rgyas thams cad mog mog por 'gyur ro/ /shA ra dwa ti'i bu 'di lta ste dper na/ gang gi tshe 'khor los sgyur ba'i rgyal po byung ba de'i tshe/ rgyal phran thams cad de la phyag 'tshal lo/ /shA ra dwa ti'i bu de bzhin
42a7 du gang gi tshe chos kyi rgyal po'i bu byang chub tu sems bskyed pa de'i tshe/ lha dang mi dang / lha ma yin du bcas pa'i 'jig rten gyis phyag byas par 'gyur ro/ /shA ra dwa ti'i bu 'di lta ste dper na/ bsod
42a8 nams ma byas pa'i sems can rnams la dbyig gi char mi 'bab po/ /shA ra dwa ti'i bu de bzhin du dge ba'i rtsa ba ma bskyed pa'i sems can rnams la byang chub kyi sems mi skye'o/ /'phags pa blo gros rgya
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo