rKTs

e-texts navigator

Volume

Page

41b₁ gyur la de nas 'ga' zhig me de'i gan du song ste 'di skad ces smras so/ /ci'i phyir khyod dpung mi sdud/ khyod rtswa dang shing 'di dag las gcig pus rgyal bar bya snyam 'am/ de nas mi des 'di skad ces smras so/
41b₂ 'dir bdag gis dpung bsdu bar bya mi dgos so/ /de ci'i phyir zhe na/ rtswa dang shing phyir rgol ba de dag nyid bdag gi grogs yin te/ ji lta ji ltar 'di dag mang por gyur pa de lta de ltar bdag stobs dang rab tu
41b₃ ldan par 'gyur ro/ /gal te 'di dag med par gyur na bdag kyang myur du 'chi'o/ /shA ra dwa ti'i bu de bzhin du ji lta ji ltar byang chub sems dpa' sems can thams cad kyi nyon mongs pa tshad med pa dag la shes
41b₄ rab kyi mi tshad med pa rab tu gtong ba de lta de ltar byang chub sems dpa' shin tu stobs dang ldan par 'gyur te/ de sems can thams cad kyi nyon mongs pa de dag la tshul bzhin du nye bar brtags na shes rab kyi rgyur
41b₅ 'gyur ro/ /gal te byang chub sems dpa' rang gi nyon mongs pa med par bya bar 'dod cing sems can thams cad kyi nyon mongs pa rnams kyis g.yel na de myur du nyan thos kyi sa 'am rang sangs rgyas kyi sar ltung bar
41b₆ 'gyur ro/ /shA ra dwa ti'i bu khyod kyis rnam grangs 'dis 'di ltar rig par bya ste/ ji lta ji ltar byang chub sems dpa' sems can thams cad kyi nyon mongs pa la tshul bzhin yid la byed pas yang dag pa
41b₇ ji lta ba bzhin du so sor rtog pa de lta de ltar shin tu stobs dang ldan par 'gyur ste/ gal te de lta bu thos nas mi skrag na thabs la mkhas pa'i byang chub sems dpa' rig par bya'o/ /shA ra dwa ti'i bu 'di lta
41b₈ ste dper na sbrul gdug pa'i phru gu ni grogs mi dgos par za'o/ /shA ra dwa ti'i bu de bzhin du byang chub sems dpa' las dang po pa yang grogs mi dgos par byang chub kyi yan lag rnams yang dag par sdud de/

_{iiif viewer powered by OpenSeadragon}

41a - 42a

Texts on this page