| e-texts navigator |
| བོད་ཡིག |
41a1 mi dngang dngang bar mi 'gyur ba 'di ni bdag la shin tu ngo mtshar du gda'o/ /de skad ces gsol pa dang / bcom ldan 'das kyis tshe dang ldan pa sha ra dwa ti'i bu la 'di skad ces bka' stsal to/ /
41a2 shA ra dwa ti'i bu 'di ji snyam du sems/ seng ge'i phrug gus seng ge'i sgra thos na skrag pa 'am dngang ba 'am/ kun tu dngang bar 'gyur ram/ gsol pa bcom ldan 'das de ni ma lags so/ /bcom ldan 'das
41a3 kyis bka' stsal pa/ shA ra dwa ti'i bu de bzhin du byang chub sems dpa' las dang po pa yang de bzhin gshegs pa'i seng ge'i sgra thos na mi skrag mi dngang dngang bar mi 'gyur ro/ /sems can gyi
41a4 spyod pa tshad med pa thos nas kyang 'jigs par mi 'gyur ro/ /shA ra dwa ti'i bu 'di lta ste dper na me'i snang ba chung ngu yang shing dang rtswa thams cad kyis mi skrag ste/ de 'di snyam du tshig par byed mi nus
41a5 so snyam du mi sems so/ /sha ra dwa ti'i bu de bzhin du byang chub sems dpa' las dang po pa'i shes rab kyi snang ba chung ngu yang sems can thams cad kyi nyon mongs pa rnams kyis mi skrag ste/
41a6 de 'di snyam du bdag gis nyon mongs pa zhi bar byed mi nus so snyam du mi sems kyi/ sems can thams cad kyi nyon mongs pa de nyid la tshul bzhin du nges par brtags nas shes rab kyi rgyur 'gyur ro/ /
41a7 shA ra dwa ti'i bu 'di lta ste dper na/ yongs su brtag pa nye bar bzung ste/ me dang / rtswa dang / shing dang / lo ma dang / yal ga thams cad 'thab cing rtsod pa chen po bya bar brtsams te/ nyi ma bdun na
41a8 g.yul chen po 'gyed do snyam nas/ de rtswa dang shing dag gis de las gzhan pa'i rtswa thams cad bsdus te nged kyi dpung gyis shig /nged kyi grogs gyis ces byas nas de na rtswa dang shing gi phung po ri rab tsam bsdus par
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo